Eyni məkan, eyni rəqib, eyni baş məşqçi

Bu gün keçiriləcək Azərbaycan Premyer Liqasının VII turunda “Qəbələ” AZAL-ı qəbul edəcək.

Qol.Az-ın klubun rəsmi saytına istinadən verdiyi məlumata görə, bu oyun yeni baş məşqçi təyin olunan Ramiz Məmmədovun bu postda ilk oyunu olacaq.

“Qəbələ” və AZAL tarixlərində 17-ci dəfə görüşəcək. Komandaların duelləri tarixi 2006-cı il noyabrın 4-də başlayıb. Həmin vaxt fərqli adlarla meydana çıxan komandalar indiki kimi Qəbələdə üz-üzə gəlib. “Gilan”la “Olimpik”ə qarşı həminki görüş elə indi olduğu kimi Ramiz Məmmədovun baş məşqçi postunda ilk oyunu idi.

2156 gündən sonra yenidən “Qəbələ”ni meydana çıxaracaq mütəxəssis yenə eyni rəqiblə görüşdə debüt edəcək. Bu dəfə qayıdışdan sonrakı debüt rəsmiləşəcək.

- Bütün oyunlar:

2006/07 04.11.2006 Premyer Liqa Gilan (Qəbələ) - Olimpik (Bakı) 0:3
2006/07 03.05.2007 Premyer Liqa Olimpik (Bakı) - Gilan (Qəbələ) 3:1
2007/08 02.09.2007 Premyer Liqa Qəbələ - Olimpik (Bakı) 0:1
2007/08 15.03.2008 Premyer Liqa Olimpik (Bakı) - Qəbələ 2:0
2008/09 18.10.2008 Premyer Liqa Olimpik (Bakı) - Qəbələ 1:0
2008/09 25.02.2009 Azərbaycan kuboku Olimpik (Bakı) - Qəbələ 0:1
2008/09 11.03.2009 Azərbaycan kuboku Qəbələ - Olimpik (Bakı) 1:1
2008/09 12.04.2009 Premyer Liqa Qəbələ - Olimpik (Bakı) 1:1
2009/10 17.10.2009 Premyer Liqa Qəbələ - Olimpik-Şüvəlan (Bakı) 2:1
2009/10 04.11.2009 Azərbaycan kuboku Olimpik-Şüvəlan (Bakı) - Qəbələ 2:0
2009/10 11.11.2009 Azərbaycan kuboku Qəbələ - Olimpik-Şüvəlan (Bakı) 1:0
2009/10 02.02.2010 Premyer Liqa Olimpik-Şüvəlan (Bakı) - Qəbələ 0:2
2010/11 23.10.2010 Premyer Liqa Qəbələ - AZAL (Bakı) 0:0
2010/11 19.12.2010 Premyer Liqa AZAL (Bakı) - Qəbələ 2:2
2011/12 19.08.2011 Premyer Liqa Qəbələ - AZAL (Bakı) 1:1
2011/12 05.11.2011 Premyer Liqa AZAL (Bakı) - Qəbələ 3:0

- “Qəbələ” – AZAL oyunlarının balansı

Çempionatda:
Cəmi: +2=4-6, top fərqi – 9:18
Evdə: +1=3-2, top fərqi – 4:7
Səfərdə: +1=1-4, top fərqi – 5:11
Kubokda:
Cəmi: +2=1-1, top fərqi – 3:3
Evdə: +1=1-0, top fərqi – 2:1
Səfərdə: +1=0-1, top fərqi – 1:2
Bütün turnirlər
Cəmi: +4=5-7, top fərqi – 12:21
Evdə: +2=4-2, top fərqi – 6:8
Səfərdə: +2=1-5, top fərqi – 6:13

- “Qəbələ” – AZAL oyunlarından məqamlar

* “Qəbələ”nin 88 futbolçusu AZAL-la qarşılaşmalarda forma geyib.
* Abdulkader Kamara hamıdan çox – 5 mövsümdə AZAL-a qarşı oynayıb.
* Kamara 10, Pavel Doroşev, Vurğun Hüseynov hərəyə 9, Lyubo Baranin, Qoqa Beraya və Samir Zərgərov hərəyə 8 dfə bu oyunlarda “Qəbələ” forması geyib.
* Doroşev hamıdan çox – 810, Hüseynov 773, Baranin 720 dəqiqə AZAL-a qarşı oynayıb.
* “Qəbələ”nin AZAL-a vurduğu 12 qola komandanın 7 futbolçusu imza atıb.
* Kənan Kərimov hamıdan çox – 3, Kristan Torreslə Fərzad Hatəmi hərəsi 2 dəfə fərqlənib. Milan Antiç, Deon Barton, Vitali Balamestnı və Arif İsayevin hesabında 1 belə qol var.
* 16 oyunda qeydə alınan yeganə avtoqol AZAL-ın futbolçusu Alves Dos Santosun hesabındadır. O, 2009-cu il oktyabrın 17-də Qəbələdə öz qapısına qol vurub.
* AZAL-la oyunlarda qapıda duran 5 qolkiperdən Doroşev 8, Elnar Kərimov 6, Rəşad Mustafayevlə Zurab Mamaladze hərəyə 3, Cahangir Həsənzadə 1 qol buraxıb.
* 16 oyunda hakimlər “Qəbələ”nin 25 futbolçusuna ümumilikdə 43 vərəqə göstərib. Kamara 6, Antiç, Vurğun Hüseynov, Baranin, Beraya hərəyə 3, Turnike Aptsiauri, Zərgərov, Razvan Tarlea, Yaşar Abuzərov, Anatoli Tebloyev hərəyə 2, Kənan Kərimov, Hatəmi, Balamestnı, Anatoli Ostap, Əli İsmayılov, Tomaş Stolpa, Mikayıl Namazov, İrakli Vaşakidze, Vüqar Həsənov, Daniel Lopes Kruz, Mahir Şükürov, Viktor Mendi, Azər Cabbarov, Bokunqu Ncioli Fiston, Bruno dos Anjos 1 dəfə vərəqə alıb.
* Bu vərəqələrdən 3-ü qırmızı olub. Kamara 1, Antiç və Şükürov komandanı azlıqda qoyub.
* “Qəbələ” AZAL-la oyunlarda 2 penalti vurub. Hər 2 zərbəni Kənan Kərimov dəqiq yerinə yetirib. Rəqib isə yeganə belə şansında Elnar Kərimovu məyus edib.