22:44
İstanbulda təlim-məşq toplanışında olan “Qəbələ”nin 16 yaşa qədər futbolçulardan ibarət komandası qardaş ölkədə ikinci yoxlama oyununu keçirib. Qol.Az-ın klubun saytına istinadən yaydığı xəbərə görə, bu dəfə təmsilçimizin rəqibi Türkiyənin ən tanınmış klublarından sayılan “Fənərbaxça” olub.
Dərəağzı Təsislərində baş tutan matçın ilk hissəsi bərabər mübarizə şəraitində keçib. Tərəflərin qarşılıqlı hücumlarına baxmayaraq birinci yarıda hesab açılmayıb.
İkinci yarıya “Qəbələ” daha sürətli başlayıb. Lakin hücuma aludə olan komanda əks-hücumda yaxalanıb və qapısında qol görüb. Hesabda geri olmasına baxmayaraq ruhdan düşməyən "Qəbələ" hücumlarının kəsərini artırıblar. Bunun məntiq nəticəsi kimi “Fənərbaxça”nın qapısı önündə ardıcıl təhlükəli vəziyyətlər reallaşdırılıb. Öncə komandanın kapitanı Romal Hüseynov diqqət mərkəzinə düşüb. O, fərdi ustalıgı sayəsində müdafiə xəttini yarsa da, sonda zərbəsi qeyri-dəqiq alınıb. Ardından isə Fərid Əsədli əlverişli epizodu dəyərləndirə bilməyib. O, qapı önünə ötürülən topa başla toxunsa da, “meşin yuvarlaq” hədəfdən yan keçib. İstanbulluların müdafiə xəttini təzyiq altında saxlayan “Qəbələ”nin növbəti hesabı dəyişmək şansı Ülvi İskəndərovun ayağına yazılıb. Lakin o da qeyri-dəqiqliklə yadda qalıb. Matçın 80-ci dəqiqəsində “Qəbələ” nəhayət ki, öz istəyinə çatıb. Çingiz Hüseynovun ideal ötürməsini Coşqun Süleymanov qapıçının başı üzərindən tora göndərib – 1:1.
Qarşılaşmanın qalan dəqiqələrində komandanın daha bir neçə fərqlənmək imkanı olsa da, hesab dəyişməyib və “Qəbələ” İstanbuldakı ikinci yoxlama oyunundan da heç-heçə ilə ayrılıb.
Xatırladaq ki, “Qəbələ” ilk oyunda “Beşiktaş”la sülh bağlamışdı – 2:2. Növbəti görüş sentyabrın 27-də baş tutacaq. Təmsilçimiz yenidən “Beşiktaş”la münasibətlərinə aydınlıq gətirəcək.
"Şamaxı" onu da göndərdi
UEFA Superkubokunda onlar qarşılaşacaqlar
PSJ yenə çempionlar çempionudur!
Onların qolları 8 illik həsrətə son qoydu
Zədəsinə görə mundialı buraxacaq
"Arsenal"dan final antirekordu
"Barselona"dakı gələcəyi bəlli oldu
Haverts Çempionlar Liqası tarixinə düşdü
ABŞ millisinin kapitanı oldu
Kuboka qədər milyonlar qazandılar
PSJ - "Arsenal": Heyətlər açıqlandı
"Real"dan Vinisiusa qarşı sərt mövqe
"Oğlum futbol oynamaq istəmir"
Çempionlar Liqasının finalından öncə kütləvi dava - Video
Aparıcı klubların hədəfinə düşdü
