22:44
Futbol üzrə 2020-ci il Avropa çempionatının finalı “Uembli” stadionunda keçirilə bilər.
Qol.Az-ın məlumatına görə, İngiltərə Futbol Federasiyasının (FA) prezidenti Devid Bernştayn həlledici qarşılaşmanın təşkili üçün əfsanəvi arenanın namizədliyini verəcəklərini açıqlayıb.
UEFA prezidenti Mişel Platini 2020-ci il qitə birinciliyinin oyunlarının müxtəlif ölkələrdə keçirilməsini təklif edib. Bundan sonra FA “Uembli”ni final matçına hazırlamağa başlayıb. Çempionatın harada baş tutacağına dair məsələni UEFA dekabrda müzakirə edəcək. Bernşteyn deyib:
“Açığı, bu layihə həyata keçsə, qitə futbol qurumu final matçının “Uembli”də keçirilməsini ciddi düşünür. Biz də bunu istəyirik. UEFA yarımfinalla final matçlarına eyni şəhərin və ya stadionun ev sahibliyi etməsinin tərəfdarıdır. Fikrimcə, qurumun müəyyənləşdirdiyi siyahıda biz də varıq. Amma mübarizənin gərgin keçəcəyini güman edirəm”.
FA prezidenti 2020-ci il Yay Olimpiya Oyunları ilə yanaşı, Avropa çempionatına namizədliyini verən Türkiyənin şansları barədə də danışıb: “Türkiyə olimpiada təşkilatçılığına yiyələnə bilməsə, Avropa çempionatı üçün güclü namizəd olacaq. Platininin qitə miqyaslı planı həyata keçsə, biz də final oyununa iddia edəcəyik. Amma dünya çempionatına yenidən namizəd olmağı və xeyli vəsait xərcləməyi düşünmürük”.
Qeyd edək ki, 2020-ci il Avropa çempionatına Türkiyədən əlavə, Şotlandiya, İrlandiya, Uels “trio”su və Azərbaycan – Gürcüstan dueti də namizədliyini verib.
"Şamaxı" onu da göndərdi
UEFA Superkubokunda onlar qarşılaşacaqlar
PSJ yenə çempionlar çempionudur!
Onların qolları 8 illik həsrətə son qoydu
Zədəsinə görə mundialı buraxacaq
"Arsenal"dan final antirekordu
"Barselona"dakı gələcəyi bəlli oldu
Haverts Çempionlar Liqası tarixinə düşdü
ABŞ millisinin kapitanı oldu
Kuboka qədər milyonlar qazandılar
PSJ - "Arsenal": Heyətlər açıqlandı
"Real"dan Vinisiusa qarşı sərt mövqe
"Oğlum futbol oynamaq istəmir"
Çempionlar Liqasının finalından öncə kütləvi dava - Video
Aparıcı klubların hədəfinə düşdü
