RFİ prezidenti: “Azərbaycanla oyunumuz çətin olacaq”

RFİ prezidenti: “Azərbaycanla oyunumuz çətin olacaq”
XƏBƏR 15 Sentyabr 2012 / 05:30 2411
-  A +

“İlk öncə bütün futbolsevərlərimizi seçmə mərhələyə uğurlu start verməyimiz münasibətiylə təbrik edirəm. Hazırkı vəziyyətdə qarşıya qoyulan məqsədə çatmışıq və aktivimizdə 6 xal var. Ən əsası, komanda təmkinli, baxımlı oyun oynayır”.

Qol.Az-ın məlumatına görə, bu sözləri Rusiya mətbuatına açıqlamasında bu ölkənin futbol ittifaqının prezidenti Nikolay Tolstıx deyib.

O, gələn ay millimizlə keçirəcəkləri oyun haqda da fikirlərini bildirib:

“Qarşıda bizi Portuqaliya və Azərbaycanla oyunlar gözləyir. Əminliklə deyərdim ki, hər iki oyun çox çətin olacaq. Məşqçilər korpusu və futbolçular da bunu gözəl anlayır. Portuqaliyanın gücü məlumdur. Ancaq Kapello kimi məşqçi portuqallardan qorxa bilməz. Biz sadəcə, başa düşürük ki, onlar bizim qrupdakı əsas rəqibimizdi. Ancaq digərlərini qətiyyən unutmaq olmaz. Azərbaycandan ehtiyat eləmək lazımdır. Onlarla AÇ-2012-də üz-üzə gəlmişik və çətinliyi görmüşük. Hətta Bakıda bizdən xal da aldılar. Odur ki, bu dəfəki oyunlarda daha diqqətli oynamalıyıq”.

Qeyd edək ki, Rusiya-Azərbaycan matçı oktyabrın 16-da Moskvanın “Lujniki” stadionunda oynanılacaq.


Son xəbərlər