22:35
"DÇ-2014"ün seçmə mərhələsi çərçivəsində bu axşam öz meydanında Azərbaycan milli komandası ilə qarşılaşacaq Portuqaliya yığmasının baş məşqçisi Paulo Bentu oyunöncəsi mətbuat konfransı keçirib. Qol.Az-ın məlumatına görə, portuqaliyalı mütəxəssis ona ünvanlanan bir çox sualları cavablandırıb:
- Cənab Paulo, Azərbaycanla matç öncəsi Lüksemburqla oyunu yetərincə analiz edə bilmisiniz?
- Həmin oyun haqda fikirlərimi demişəm. Çalışmalıyıq ki, həmin oyunda buraxdığımız səhvləri bu dəfə təkrarlamayaq. Lazım olan etmək üçün hələ 36 saat vaxtımız var və bundan istifadə etməliyik. Ümid edirəm ki, hazırlığımız yüksək səviyyədə olub.
- Amma razılaşın ki, Lüksemburqa qarşı, oyun bizim oyun deyildi...
- Etiraf edirəm ki, Lüksemburqla oyunda səviyyəmizdən aşağı çıxış etdik. Çünki bizim potensialımız daha yaxşı çıxış etməyə imkan verir. Ancaq əsas məqsədimiz qələbə qazanmaq idi ki, bunu da bacardıq.
- Azərbaycanla oyunda taktiki dəyişiklik etməyi düşünürsünüz?
- Öncə onu deyim ki, hədəf istənilən halda dəyişməyəcək və taktikadan aslı olmayaraq, meydançaya qələbə üçün çıxacağıq. Lüksemburq üzərindəki 2:1-lik qələbəni o qədər də bayram etmək niyyətində deyilik. Azərbaycan daha təhlükəli komandadır. O ki qaldı taktikaya, bizim ənənəvi taktikamız var: 4-3-3. Həmişə bu taktikamıza sadiq qalmışıq və Azərbaycanla oyunda da 4-3-3 taktikası ilə oynayacağıq. Qoy, rəqib bizə görə oynasın.
-Rəqib sürpriz edə bilər?
- Bu, bizdən aslıdır. Güclü olduğumuzu oyunumuzla sübut etməliyik. Bunu bacarsaq, rahat qələbə qazanacağıq. Yox, əgər yersiz top itkilərinə yol versək, top saxlaya bilməsək, o zaman bizim üçün çox çətin olacaq.
- Qrupun favoritlərindən sayılan Rusiya da ilk turu qələbə ilə başa vurub. Sabah xal itirsək, əsas rəqibinizin sizi keçmək şansı yaranacaq...
- Bizim hədəfimiz ilk iki turdan 6 xal götürmək idi. 3 xal götürmüsük, qalıb ikinci 3 xal. Bunun üçün də sabah bütün gücümüzü ortaya qoyacağıq. Çox diqqətli oynamalıyıq. İlk növbədə əldə etdiyimiz real imkanları praktiki olaraq həyata keçirməli və qol vurnalıyıq. Yalnız bu zaman qarşıya qoyulan məqsədə çatmaq olar.
Qeyd edək ki, Portuqaliya - Azərbaycan oyunu bu axşam, Bakı vaxtı ilə saat 00:15-də başlayacaq.
Xusanov ata oldu - Video
"Sevilya"nın yeni baş məşqçisi bəlli oldu
Zədəli ayağı əvəzinə sağlam dizini müayinə ediblər!
Yeniyetmələrdən elit liqaya qədər korrupsiya qalmaqalı
Hakimi "Real"a keçir?
Zədələrə rəğmən "Bayer" ona güvənir
Yamal İspaniya millisinin məşqini buraxdı
Zədə səbəbindən millinin düşərgəsini tərk etdi
ABŞ klubundan Nərimanla bağlı yeni paylaşım - Video
Türkiyə yeni mövsüm avrokuboklarda necə təmsil olunacaq?
Qrizmannın MLS-də oynayacağı rəsmiləşdi
"Atletiko"dan "Arsenal"a keçə bilər
