18:10
“Bakı” klubunun yarımmüdafiəçisi Elvin Məmmədov Qol.Az saytına müsahibə verib.
- Premyer Liqanın IV tutunda evdə “Kəpəz”i məğlub etməklə çempionatda ilk qələbənizi qazandınız? Başlayaq, elə bu oyundan...
- Əvvəlki iki turda qələbə qazana bilməmişdik. Ona görə də “Kəpəz”lə qarşılaşmada mütləq qalib gəlməliydik. Oyun baxımından “Bakı” əla çıxış etdi. Ən əsası üç xal idi ki, bunu da qazandıq.
- Rəqibiniz “Kəpəz” bu mövsüm çox zəif təsir bağışlayır. Bu qələbənizi rəqibinizin zəif çıxışıyla əlaqələndirmək olar, yoxsa “Bakı” həqiqətən get-gedə öz oyununu tapır?
- Komandamız çox gözəl təsir bağışladı. Bütün komponentlərdə gəncəliləri üstələdik. Xeyli real qol imkanımız oldu. Təəssüf ki, bunlardan yararlana bilmədik. Ola bilər, hardasa komandada çatışmazlıqlar var. Lakin yeni baş məşqçinin bu problemləri aradan qaldırması üçün zamana ehtiyacı var.
- Əsgərlikdən qayıtdıqdan sonra ilk oyununa çıxmışdın. Ayağın düşərli oldu və komandan qələbə qazandı...
- Əsgərlikdən gələndən sonra tez bir zamanda forma yığmaq çox çətindir. Sağ olsun, baş məşqçimiz ki, mənə güvəndi. Ayağımın düşərli olub-olmadığını deyə bilmərəm. Ancaq komanda həqiqətən yaxşı təsir bağışladı. İstər taktiki, istərsə də oyun baxımından. Əgər qələbədə mənim də payım varsa, buna çox sevinərəm.
- Bəs öz çıxışından razı qaldınmı?
- Hələ ki, hər şey ürəyimcə deyil, istədiyimi edə bilmirəm. Çünki ələ düşən şanslardan yararlana bilmirəm. Məsələn, qapıçı ilə təkbətək imkanı qaçırdım. Yəqin ki, bu problemi yaxın zamanda aradan qaldıracağam.
- Necə düşünürsən, komandan Bojidar Bandoviçlə bu mövsüm uğur qazana biləcəkmi?
- İlk öncə baş məşqçinin yeni olduğunu nəzərə almaq lazımdır. Bir-iki Bandoviçdən uğur gözləmək düzgün deyil. Bəlkə də baş məşqçinin düşündüyü futbolu oynasaq, daim birinci pillədə olardıq. Məncə, zaman “Bakı”nın uğurlu çıxış etməsi üçün çox vacibdir. Şəxsən mən baş məşqçimizin məşqlərini çox bəyənirəm. Sırf taktiki futbola üstünlük verir.
Əli HƏYATİ
Alleqri cəzalandırıldı
Yamal "Barselona"nın ÇL matçını da buraxacaq
"Liverpul"la "Mançester Siti" onu hədəflədilər
"Qarabağ" "Benfika" ilə oyuna bu heyətlə çıxır
Millimiz Moldovaya qalib gəldi
"Göygöl"dən qələbə, "Qaradağ Lökbatan"dan darmadağın
Məşqçisi olduğu ən yaxşı futbolçuları açıqladı
“Barselona” bəyanat yaydı
U-15 millimiz Monteneqro ilə heç-heçə etdi
"Liverpul"la oyunu buraxacaqlar
"Roma" Dibalanı itirdi
Tovuz stadionunda işlər yekunlaşır - Video
“Qəbələ”nin futbolçusu dünya çempionatında
Benjamin Mendinin yeni klubu müəyyənləşdi
1-ci liqada daha bir turun oyunlarının vaxtı açıqlandı
