Riberi və Benzema məhkəmə qarşısına çıxacaqlar

Riberi və Benzema məhkəmə qarşısına çıxacaqlar
XƏBƏR 15 Avqust 2012 / 15:26 1929
-  A +

Fransa milli komandasının aparıcı üzvləri Frənk Riberi və Kərim Benzema yenidən diqqət mərkəzinə düşüb.

Qol.Az-ın BBC-yə istinadən verdiyi məlumata görə, hər iki futbolçu məhkəmə önünə çıxacaqlar.

Buna adı çəkilən futbolçuların iki il öncə 18 yaşı tamam olmamış bir fahişə ilə cinsi əlaqəyə girmələri səbəb olub. Futbolçular Zahia Deharla cinsi əlaqədə olmalarını inkar etsələr də, zərərçəkən bunu təsdiqləyib.

Lakin Zahia həmin vaxt futbolçuların onun 16 yaşında olduğunu bilmədiklərini deyib. Fransa qanunlarına görə 18 yaşı tamam olmamış qızla cinsi əlaqəyə girənləri 3 il həbs və 45 min avro pul cəzası gözləyir.

Lakin bir şərtlə ki, həmin kişilər qızın yaşından xəbərdar olsunlar. Riberi və Benzemanın bundan xəbərsiz olmaları isə futbolçuların işini yüngülləşdirir. Bununla belə, hər iki futbolçunun məhkəmə qarşısına çıxacağı qaçılmazdır.
 
Qeyd edək ki, Riberi və Benzema bu axşam Uruqvayla keçiriləcək yoldaşlıq görüşündə iştirak edəcək.


Son xəbərlər