Nadal "US Open"i də buraxa bilər

Nadal "US Open"i də buraxa bilər
XƏBƏR 15 Avqust 2012 / 01:45 1258
-  A +

İspaniyalı tennisçi Rafael Nadal ABŞ-ın açıq çempionatında iştirak etməyə bilər.

Bu barədə Nadalın özü “Laverdad” telekanalına müsahibəsində bildirib. Dünyanın sabiq 1 nömrəli tennisçisi, hazırda isə Peşəkar Tennisçilər Assosiasiyasının reytinqində 3-cü yerdə gedən Nadal dizindəki zədə ilə əlaqədar 2012-ci il London Yay Olimpiya Oyunlarında iştirak etməyib.

O, “US Open”ə də qatılacağına əmin deyil: “Nə “hə”, nə də “yox” deyə bilərəm. Bu zədə əvvəlkilərə oxşamır. Hiss edirəm ki, indi hər şey bir qədər başqa cürdür”.

Qeyd edək ki, “Böyük dəbilqə” seriyasından ABŞ-ın açıq çempionatı avqustun 27-də start götürəcək (Lent.az).


Son xəbərlər