Yuxarı
22:52
“Bakı” klubunun Biləcəri qəsəbəsində, “Delfin” otelinin yaxınlığında inşa olunan hazırlıq-təlim bazasında işlər tamamlanmaq üzrədir. Qol.Az-ın klubun rəsmi internet saytına istinadən verdiyi məlumata görə, biri süni, digəri isə təbii örtükdən ibarət olacaq iki futbol meydanı, geyinib-soyunma otaqları, nəzəri məşğələlər üçün nəzərdə tutulan auditoriyalar, istirahət zonası və sair təhkimçi tikililərdən ibarət olacaq bazanın tikintisində işlər tam axarı ilə davam edir.
Hazırda süni örtüklü meydanın xalçası döşənir. Ən yüksək dünya standartlarına cavab verən və müasir texnologiyalar əsasında qurulan drenaj sistemi bu meydanın tək məşq deyil, həm də yoldaşlıq və rəsmi oyunların keçirilməsi üçün zəmin yaradır. Bu meydanda işlərin böyük əksəriyyəri başa çatdırılıb, oyun sahəsi perimetri boyu hasarlanıb.
Meydanın süni xalçası və ehtiyat oyunçular skamyaları İtaliyadan, xüsusi qum materialları isə Misirdən gətirilib. Artıq meydanın 70%-i süni xalça ilə örtülüb. Yaxın günlərdə bu meydanın tam hazır vəziyyətə gətirilərək istifadəyə veriləcəyi gözlənilir.
Bunun ardından diqqətlər təbii örtüklü meydana çevriləcək. Bu meydan da tam standartlara uyğun ölçülərə malikdir. Ən yüksək keyfiyyətli və yerli iqlimə uyğun ot toxumlarının səpilməsi və qulluğu türkiyəli mütəxəssislər tərəfindən icra olunacaq. Bu futbol meydanının ən yüksək tələblərə cavab vermək şərti ilə qurulacağı və istismar olunacağı açıqlanıb.
Bazanın layihələşdirilməsi zamanı azarkeşlərin rahatlığı da nəzərə alınıb. Meydan boyu, təxminən, 500-600 tərəfdar tutumlu komfotrlu tribunanın inşasının da tezliklə başlanacağı bildirilir.
Volkanı Metin əvəzlədi
18 ildən sonra
Jardim istefa verdi
“Sumqayıt” 7 dəqiqədə 2 qol vurdu - Video
Zədəli Çalhanoğlu komandası üçün meydana çıxacaq
Bredli MLS təmsilçisinin baş məşqçisi təyin olundu
"İnter Mayami" "Real"ın sabiq oyunçusu ilə razılaşdı
Kukurelya La Liqaya qayıda bilər
