"Simurq"un yeni transferi: "Söz verirəm ki..."

Növbəti həftə Bakıya gələrək "Simurq"la rəsmi müqavilə imzalayacaq Dilaver Zrnanoviç ilk təəssüratların klubun rəsmi saytına bildirib:

- İlk öncə “Simurq”a keçidinlə bağlı təəssüratlarını öyrənək...

- Allahın köməkliyi ilə hər şey yaxşı olacaq. Gələn həftə Bakıya gələcəm və rəsmi müqavilə imza atacam. Çalışacam ki, ilk forma geyindiyim gündən mövsümün sonuna qədər yaxşı oyunumla komandamızın turnir cədvəlində yüksəlməsinə kömək edim.
 
- Yeni komandan haqda nə deyə bilərsən?

- Komandamız hazırda yeni mövsümə hazırlıqlar görür. Heyətimizə yeni oyunçular qoşulur. Stepan Poljak kimi futbolçuda artıq bizimlədir. Fikrimcə bir neçə nəfərdə heyətə əlavə ediləcək. Bizə bir az vaxt lazımdır ki, birlikdə oynayaq. Bir-birimizi həm həyatda, həm də meydanda tanıyaq. Əla kollektivimiz var. Komanda rəhbərliyi yaxşı təlim-məşq toplanışı təşkil edib. Əla məşqçimiz var. Gözəl meydanlarçalarda məşq edirik. Ancaq təbii ki, ən vacibi qarşıdakı mövsüm və ilk oynumuzdur.
 
- Azərbaycan futbolu barədə hansısa informasiyaya maliksən?

- Karyeram ərzində yalnız bir dəfə Azərbaycan klubuna qarşı oynamışam. Moskvada keçirilən “Birlik Kubokun”da “İnter”lə matçda forma geyinmişdim. Həmin vaxt indiki “Partizan” Minskdə oynayırdım. Ondan sonra bir neçə klublar haqda eşitmişdim. Bilirəm ki, Azərbaycan çempionatında “İnter”lə yanaşı, “Neftçi”, “Xəzər Lənkəran” kimi güclü komandalar mübarizə aparır. Ancaq bu futboldur. Hər kəs öz oyununu göstərməyə çalışır. Matçlarda bütün gücünlə meydanda mübarizə aparmalısan ki, qalib gələsən.
 
- Yeni mövsümdə ilk rəqibiniz “Qəbələ” klubu olacaq. Bu oyun haqda nə düşünürsən?

- Artıq iki həftədir ki, “Simurq”la birlikdə məşq edirəm. Təbii ki, komandanın bir üzvü kimi yavaş-yavaş rəqiblərimiz haqqında məlumat toplamağa çalışıram. Burda eşitdiklərimə görə “Qəbələ”də güclü rəqibdir. Bir neçə təcrübəli futbolçuları var. Ancaq gözləyək görək necə olacaq. Qarşıdakı oyunlara yaxşı hazırlaşmalıyıq. Qarşılaşmalara kökləndikdən sonra rəqibin kim olmasından asılı olmayaraq qorxmağa ehtiyac qalmır. Bizim komandamız hazırda heyətin formalaşdırıb qurtarmaq üzrədir. Təcrübəli futbolçularla yanaşı, gənc istedadlı üzvlərimiz də var. Fikrimcə, hər şey qaydasında gedir.
 
- Komandanın Avstriyada təlim-məşq toplanışı necə keçir?

- Toplanış başlayan vaxtdan komandanın düşərgəsinə qoşulmuşam. Gündə iki dəfə olmaqla məşqlərə çıxırıq. Artıq üç yoldaşlıq görüşündə gücümüzü yoxlamışıq. Bu gündə sonuncu yoldaşlıq oyununa çıxacayıq. Komandanın düşərgəsinə hər gün baxışa yeni futbolçular gəlirdi. Hazırda heyətin formalaşdırılmasına çalışılır. Düşünürəm ki, bu komandanın daha yaxşı olması üçün vaxt lazımdır. Toplanışda bircə problemimiz yağışlar idi. Bu səbəbdən meydançalarda məşq etmək çox ağır olurdu. Xüsusən ilk günlər daha çox taktiki və fiziki hazırlıqlı təlimlərə çıxırdıq. Qalan hər şey qaydasındadır. Təlim-məşq toplanışımız professional şəkildə təşkil olunub.       
 
- Bu mövsüm “Simurq”un azərkeşləri səndən necə oyun gözləsinlər?

- Onlara söz verə bilərəm ki, forma geydiyim bütün qarşılaşmalarda komandamızın qələbəsi üçün əlimdən gələni etməyə çalışacam. Sona qədər mübarizə aparacam. Fikrimcə, biz komanda olaraq yaxşı oyunumuzla azerkeşlərimizi tribunalara səsləməliyik. Mən də meydanın onlarla dolu olmasını çox xoşlayıram. İnanıram ki, gözəl oyunlarla qələbələr əldə edəcəyik və bu sevinci azərkeşlərimizlə yaşayacayıq.