17:15
Avropa Liqasının II təsnifat mərhələsinin cavab matçında oyunsonrası penaltilərlə Bakının “İnter” klubunu məğlub edən Yunanıstanın “Asteras” klubunun baş məşqçisi Sakis Siolis Yunanıstan mətbuatına müsahibə verib. Qol.Az saytı müsahibəni təqdim edir.
- Oyunu necə dəyərləndirərdiniz?
- Bu gün bizim üçün tarixi bir gün oldu. Oyun çox çətin keçdi. İlk hissə bir qədər əsəbi temdə başladı. Yaxşı ki, tezliklə həmin vəziyyətdən çıxa bildik. Futbolçularımın nizam-intizamlı oyunu buna imkan verdi. İkinci hissədə isə daha yaxşı oynamağa və daha çox qol epizodları əldə etməyə başladıq. Nəticədə qol da vurduq. Təəssüf ki, son dəqiqələrdə müdafiədə ani diqqətsizliyə yol verib qapımızda qol gördük. Lakin oyunun sonrakı gedişində səhvə yol vermədik və oyunsonrası penaltilərlə qələbə qazanaraq, növbəti mərhələyə keçdik. “İnter” çox yaxşı komandadır. Çox xoşdur ki, bu cür güclü komandanı məğlubiyyətə uğratmağı bacardıq. Bu komandaya bundan sonrakı fəaliyyətində uğurlar arzulayıram.
- Qolu yenə hava mübarizəsi zamanı buraxdıq. Buna münasibətiniz?
- Futbolda buraxdığın səhvin qarşılığını mütləq ödəməlisən. Bizdə də bu gün belə oldu. Rəqibimiz hava toplarında yaxşı oynayırdı və gərək bu mənada diqqətli olardıq. Ola bilmədik, nəticədə qapımızda qol gördük.
- Azarkeşlərinizə nə deyərdiniz?
- Bu, bizim hamımızın qələbəsidir. Azarkeşlərimiz bizi gözəl dəstəklədilər və bunun üçün onlara öz minnətdarlığımı bildirirəm. Onlar da ən azı bizim qədər əsəb, həyəcan və stress keçirdilər. Ümumiyyətlə, “İnter”lə oyunu “final-triller” adlandırardım. Rayonu topun başına göndərəndə onun ən doğru seçim olduğuna əmin idim.
- Bundan sonrası üçün nə düşünürsünüz?
- Komandamız son mövsüm Yunanıstan çempionatında 6-cı pilləni tutdu, ölkə kubokunda isə final oynadı. Bizdə uğur qazanacağımıza inam var idi. 35 gündən çox bir müddətdə bu oyuna hazırlaşmışdıq. Son iki gündə bir daha “İnter”in oyunlarının kasetinə baxdım və rəqibi bir daha dərindən təhlil etdim. Hətta penaltilər üzərində də işləmişdik. Oyundan qabaq isə futbolçularıma bildirmişdim ki, elə təsəvvür edin, sanki müharibəyə çıxırıq. Bir sözlə, özümüzə və qələbəmizə inanırdıq. Bu mərhələni keçdik və bizi “Martitimo” ilə iki ağır oyun gözləyir. İnanıram ki, rəqibə layiqincə müqavimət göstərə biləcəyik.
Yol qəzasına düşdü, 33 yaşında vəfat etdi
Azərbaycan klublarının yay transferləri - Yenilənir
Türkiyə millisindən böyükhesablı qələbə - Yenilənib
Dünyanın ən dəyərli klubları bilindi
"Atletiko" onu buraxmaq istəmir
Paraqvay millisinin DÇ-2026 heyətində kimlər var?
"Şamaxı"dan son 7 gündə - 14-cü futbolçu getdi
Velko Simiç daha 2 il “Sabah”da!
Enrike, Arteta...
"İnter" bu futbolçulardan imtina etdi
İran millisinin mundiala gedəcək yekun heyəti
Millinin futbolçuları Ulu Öndərin xatirəsini yad ediblər
UEFA rəhbərliyi hakimin qərarlarından razı qalıb
"Arsenal"ın yay planları bəlli oldu
Premyer Liqanın ən uğurlu transferi seçildi
İnyesta baş məşqçi təyin edildi!
TOP-10-a hansı Azərbaycan cüdoçuları düşdü?
La Liqaya son vəsiqə uğrunda onlar yarışacaqlar
FİFA-dan məşqçi və futbolçulara yeni - Qadağa
Daha bir millinin yekun heyəti bilindi - DÇ-2026
