19:00
2012/2013 mövsümündən etibarən icarə əsasında "Kayseri Erciyesspor"da çıxış edəcək Azərbaycan millisinin üzvü Cihan Özkara "Sumqayıt"la keçirilmiş yoxlama oyunundan sonra klubun rəsmi saytına müsahibə verib.
- "Kayseri Erciyesspor"a keçidin necə baş tutdu?
- Növbəti mövsümü icarə əsasında "Kayseri Erciyesspor"da keçirəcəyəm. Gənc olduğum üçün daimi oynaya biləcək bir kluba keçməyi düşünürdüm. Bu səbəbdən Kayseri təmsilçisindən təklif aldıqdan sonra düşünmədən qəbul etdim. Qarşıdakı bir il ərzində daha çox təcrübə toplayıb özümü sübut etmək istəyirəm. Açığı, "Sivasspor"da da qala bilərdim, lakin gələcəyi düşündüyüm üçün bu addımı atdım. Bir il ərzində Bank Asya 1-ci liqada özümü doğruldub yenidən Superliqaya qayıtmaq istəyirəm.
- Bir müddətdən sonra "DÇ-2014"ün seçmə mərhələsinin oyunları start götürəcək...
- Bəli, dediyiniz kimi iki aydan sonra "DÇ-2014"ün seçmə mərhələ oyunları başlayacaq. Millimiz qarşıdakı görüşlərə ən yaxşı şəkildə hazırlanır. Seçmə mərhələ oyunlarında özümüzü yaxşı tərəfdən göstərib daha çox xallar qazanmalıyıq. Qarşıda bizi Bəhreyn yığması ilə yoxlama oyunu gözləyir. Bu, seçmə mərhələ oyunları öncəsi son sınağımız olacaq. Doğma azarkeşlərimiz qarşısında Bəhreynlə keçiriləcək görüşdən mütləq qələbə ilə ayrılacağıq.
- 2:2 hesablı bərabərliklə başa çatan "Kayseri Erciyesspor"- "Sumqayıt" oyunu haqqında nə deyə bilərsən?
- Əvvəlcə qeyd edim ki, "Kayseri Erciyesspor"un təlim-məşq bazasına toplaşan azarkeşlər maraqlı oyunun şahidi oldular. Qarşılaşma bir az sərt məcrada keçsə də, hər iki komanda meydanda əllərindən gələni etdi. "Sumqayıt"la oyun bizim hazırlıq dövründəki ilk matçımız idi. Bəzi çatışmamazlıqlarımız var, amma tez bir zamanda bunları aradan qaldıracağımıza inanırıq.
- "Sumqayıt" klubu haqqında təəssüratların...
- İlk dəfə idi ki, Azərbaycan klubuna qarşı çıxış edirdim. Açığı, "Sumqayıt" klubundan bu cür oyun gözləmirdim. Olduqca yaxşı təsir bağışladılar. Heyətin əksəriyyəti gənclərdən təşkil olunub. Orxan Əliyev, Uğur Pamuk kimi futbolçular "Sumqayıt"ı daha üst pillələrə daşıyacaq. Klubunuza qarşıdakı Premyer Liqa oyunlarında uğurlar arzulayıram.
Yol qəzasına düşdü, 33 yaşında vəfat etdi
Azərbaycan klublarının yay transferləri - Yenilənir
Türkiyə millisindən böyükhesablı qələbə - Yenilənib
Dünyanın ən dəyərli klubları bilindi
"Atletiko" onu buraxmaq istəmir
Paraqvay millisinin DÇ-2026 heyətində kimlər var?
"Şamaxı"dan son 7 gündə - 14-cü futbolçu getdi
Velko Simiç daha 2 il “Sabah”da!
Enrike, Arteta...
"İnter" bu futbolçulardan imtina etdi
İran millisinin mundiala gedəcək yekun heyəti
Millinin futbolçuları Ulu Öndərin xatirəsini yad ediblər
UEFA rəhbərliyi hakimin qərarlarından razı qalıb
"Arsenal"ın yay planları bəlli oldu
Premyer Liqanın ən uğurlu transferi seçildi
İnyesta baş məşqçi təyin edildi!
TOP-10-a hansı Azərbaycan cüdoçuları düşdü?
La Liqaya son vəsiqə uğrunda onlar yarışacaqlar
