21:50
"Hələ ki, növbəti mərhələ haqda düşünmürük. Ümumiyyətlə, bu, müzakirə mövzusu deyil. Çünki ilk növbədə İsrail çempionu "İroni Kiryat"ı mübarizədən kənarlaşdırmalıyıq".
Qol.Az-ın məlumatına görə, bu sözləri "Jilina" klubunun baş məşqçi köməkçisi Stefan Tarkoviç Slovakiya mətbuatına açıqlamasında deyib.
Çempionlar Liqasının III təsnifat mərhələsindəki potensial rəqiblərini dəyərləndirən Tarkoviç püşkün nəticəsinin onlar üçün qənaətbəxş olduğunu bildirib:
"Təbii ki, püşkün nəticəsini qənaətbəxş hesab etmək olar. Çünki bizə daha çətin rəqiblər də düşə bilərdi. Bu səbəbdən də "Neftçi" və "Zestafoni" bizim üçün münasib rəqiblərdi. Növbəti mərhələyə keçsək, rəqibimiz haqda dolğun məlumat əldə etməli olacağıq.
Bilirik ki, "Neftçi" ilk görüşdə "Zestafoni"ni 3:0 hesabı ilə məğlub edib. Bunun özü də bir məlumatdır. Ancaq rəqibin kimliyi bizi maraqlandırmır. Yenə deyirəm ilk növbədə İsrail çempionunu mübarizədən kənarlaşdırmalıyıq".
Qeyd edək ki, "Jilina" "İroni Kiryat"la evdə keçirdiyi ilk görüşdən 1:0 hesablı qələbə ilə ayrılıb. Cavab matçı isə sabah İsraildə keçiriləcək.
Alleqri cəzalandırıldı
Yamal "Barselona"nın ÇL matçını da buraxacaq
"Liverpul"la "Mançester Siti" onu hədəflədilər
"Qarabağ" "Benfika" ilə oyuna bu heyətlə çıxır
Millimiz Moldovaya qalib gəldi
"Göygöl"dən qələbə, "Qaradağ Lökbatan"dan darmadağın
Məşqçisi olduğu ən yaxşı futbolçuları açıqladı
“Barselona” bəyanat yaydı
U-15 millimiz Monteneqro ilə heç-heçə etdi
