23:08
«Komandamız bu oyuna ciddi hazırlışmışdı. Bir ay məşq etmişdik. Bu gün gərgin oyun alındı, hər iki komanda üçün çətin keçdi».
Qol.Az-ın məlumatına görə, bu sözləri Yunanıstanın «Asteras» klubunun baş məşqçisi Sakis Çiolis «İnter»ə qarşı bu gün keçirilən Avropa Liqasının ikinci təsnifat mərhələsinin ilk oyunundan (1:1) sonra deyib.
«İlk qolu buraxdıqdan sonra komandamız psixoloji cəhətdən toparlana bildi və tez bir zamanda qol vurduq. Biz «İnter»in cinahlardan yaxşı hücumlar qurduğunu, uzaqdan qapıya zərbə endirdiyini bilirdik. Rəqibimizi yaxşı öyrənmişdik» - deyə yunanıstanlı məşqçi bildirib.
O, görüşün hakimliyi haqda da danışıb: «Fikrimcə, hakim futbolçular arasında gərginlik yaranan zamanı sarı vərəqə göstərməklə düz addım atdı».
Həmkarı Kaxaber Sxadadzenin hakimin daha çox «İnter»in qapısına cərimə zərbəsi təyin etməsi haqda fikirlərinə münasibət bildirən S.Çiolis deyib: «Mən bu fikirlərlə razılaşmıram. Bir də nəzərə almaq lazımdır ki, hakim meydanı kənarda duranlardan daha yaxşı görür».
Onun sözlərinə görə, «İnter»in qol vurmaq üçün şansları olsa da, bundan yararlana bilməyiblər: «Təkrar oyunda daha çox güc sərf edib qalib gəlmək istəyirik».
«Asteras»ın məşqçisi «İnter»in cinah futbolçularının oyununu daha çox bəyəndiyini söyləyib: «Onlar komandamızı daim təzyiq altında saxlamağı bacardılar».
Yol qəzasına düşdü, 33 yaşında vəfat etdi
Türkiyə millisindən böyükhesablı qələbə - Yenilənib
Dünyanın ən dəyərli klubları bilindi
"Atletiko" onu buraxmaq istəmir
Paraqvay millisinin DÇ-2026 heyətində kimlər var?
"Şamaxı"dan son 7 gündə - 14-cü futbolçu getdi
Velko Simiç daha 2 il “Sabah”da!
