23:00
UEFA 2011/12 mövsümündə “Avropanın ən yaxşı futbolçusu” mükafatına namizədlərin adlarını açıqlayıb. Siyahıda 32 nəfər yer alır.
Qol.Az-ın məlumatına görə, rəsmən “UEFA Best Player in Europe” adlanan mükafat üçün keçirilən sorğuda UEFA üzvü olan 53 ölkənin hər birindən bir media nümayəndəsi iştirak edib. İyunun 20-də start götürən və iyulun 4-nə kimi davam edən ilkin mərhələdə respondentlər ən yaxşı saydıqları 5 futbolçuya səs veriblər və anketlərdə 1-ci göstərilən 5 xal, 2-ci göstərilən 4 xal, 3-cü göstərilən 3 xal, 4-cü göstərilən 2 xal, 5-ci göstərilən isə 1 xal qazanıb.
Sorğuya qatılanlar Avropa klublarında oynayan istənilən qitənin nümayəndəsinə səs verə bilirlər. İlkin mərhələdə hamıdan çox səs toplayan və UEFA-nın mükafatı uğrunda mübarizəni davam etdirəcək 3 futbolçunun adı avqustun 14-də açıqlanacaq.
Səsvermənin həlledici mərhələsi avqustun 30-da Monakoda keçiriləcək. Burada media nümayəndələri xüsusi elektron sistemlə 3 namizəddən birini seçərək mükafatın yeni sahibini müəyyənləşdirəcəklər. Sorğunun qaydalarına görə, iki nəfər eyni sayda səs toplasa, məhz onların iştirakı ilə yenidən səsvermə keçiriləcək.
UEFA-nın Avropanın ən yaxşı futbolçusunu müəyyənləşdirmək üçün keçirdiyi sorğuda Azərbaycanı Rasim Mövsümov təmsil edir. O, ilkin mərhələdə səs verdiyi futbolçuların adlarını açıqlayıb:
1. Kriştianu Ronaldo (Portuqaliya, “Real”)
2. Andres İnyesta (İspaniya, “Barselona”)
3. Lionel Messi (Argentina, “Barselona”)
4. Radamel Falkao (Kolumbiya, “Atletiko”)
5. Andrea Pirlo (İtaliya, “Yuventus”).
Alleqri cəzalandırıldı
Yamal "Barselona"nın ÇL matçını da buraxacaq
"Liverpul"la "Mançester Siti" onu hədəflədilər
"Qarabağ" "Benfika" ilə oyuna bu heyətlə çıxır
Millimiz Moldovaya qalib gəldi
"Göygöl"dən qələbə, "Qaradağ Lökbatan"dan darmadağın
Məşqçisi olduğu ən yaxşı futbolçuları açıqladı
“Barselona” bəyanat yaydı
