"İnter"in rəqibini yaxından tanıyaq

Avropa Liqasının II təsnifat nərhələsində Bakının "İnter" klubuna rıqib olan Yunanıstanın "Asteras Tripolis" klubu 1931-ci ildə yaranıb.

Qol.AZ-ın məlumatına görə, bu komanda öz ölkəsində "qalaktikos" ləqəbiylə tanılır. Bunun səbəbi ondadır ki, "Asteras" sözü yunan dilindən tərcümədə "ulduz" deməkdir. Öz ev oyunlarını klub 7 717 nərəf azarkeş tutumu olan "Asteras Tripoli Stadium" arenasında keçirir, ayın 26-sı yunanlar məhz bu məkanda "İnter"i qəbul edəcəklər.

Bu il "Asteras"ın 81 yaşı tamam olsa da tarix ərzində Tripoli komandası böyük uğurlara imza ata bilmədi. "Asteras" öz aktivinə ancaq ölkəsinin 5-ci divizionunda 8 dəfə tutduğu 1-ci yeri yaza bilər. Klub uzun mövsümlər ölkəsinin aşağı liqalarında mübarizə aparıb və komandanın Elladanın yuxarı dəstələrinə yüksəlişi son dövrə təsəvvür edir. Belə ki, 2005-ci ildə "Asteras" Yunanıstanın sayca 4-cü liqasında birinci pilləni tutdu, növbəti mövsümdə klub uğurlu çıxışını davam etdirərək 3-cü divizionun qalibi oldu. Daha sonra komanda 1-ci dəstədə bütün rəqibləri geridə qoyaraq uzun illər çıxış etmək arzuladığı Superliqaya vəsiqə qazandı. "Asteras"ın inkişafı həqiqətən də heyrətləndiricidir-cəmi 5 il ərzində komanda aşağı dəstələrindən irəlləyərək Yunanıstanın yüksək liqasında çıxış etmək şansını qazandı.

Beləliklə, 2007-ci ildən etibarən Tripoli klubu Yunanıstanın Superliqasında mübarizə aparır. "Asteras"ın yüksək dəstədəki ilk çıxışı gözləniləndən da yaxşı alınmışdı. Komanda mövsümü 7-ci yerdə başa vurdu və bu nəticə çox müsbət qiymətləndirilmişdi. Lakin gələn iki mövsümdə "qalaktikos" başından yuxarı tullana bilmədi, 2008/09 və 2009/10 çempionatlarında klub elitada yerini qorumaq uğrunda mübarizə apararaq hər iki halda yarışı 12-ci yerdə başa vurmuşdu. 2010/11 mövsümündə komandanın işləri daha da pisləşdi. Çempionatın yekun nəticələrinə görə "Asteras" 16 komanda arasında 14-cü oldu və Superliqadaki yerini itirdi, amma Yunanıstan Futbol Federasiyasının "İraklis" klubuna qarşı tətbiq edilən sanksiyalar Tripolis klubunu elitada saxladı. Maraqlıdır ki, "Asteras"ın Avropa Liqasına vəsiqə qazanması buna oxşar yolla alındı. Belə ki, Tripoli klubunun avrokuboklara gedişi məhz UEFA-nın digər Yunanıstan klubu AEK-i qitəmiqyaslı yarışlardan kənarlaşdırması nəticəsində rəsmiləşdi. Maraqlıdır ki, "İnter"ə qarşı keçiriləcək oyun "Asteras" üçün avrokuboklarda debüt qarşılşması olacaq.

Qeyd edək ki, Tripoli klubunu təcrübəli yunanıstanlı mütəxəssis Sakis Tsiolis çalışdırır. "İnter"ə qarşı keçiriləcək Avropa Liqasının ikinci təsnifat mərhələsinin oyunlarına bu məşqçi 21 futbolçu sifariş edib. Sizi bu oyunçuların siyahısı ilə tanış etmək istərdik:

Qapıçılar: 16 Nikos Anastasopoulos,37 Qeorqios Bantis,46 Qeorqios Qeorgakopoulos.

Müdafiəçilər: 3 Xristos Pipinis,6 Lautaro Formika,22 Sebastyan Bartolini,23 Ximo Navarro,27 Lefteris Calusis,52 Thanasis Kostulas,17 Cannis Ntiniotakis.

Yarımmüdaifəçilər: 4 Xuanito,7Aqqelos Sarantopulos,8 Fernando Usero,10 Ruben Rayos, 11 Savvas Tsaburis,13 Leandro Alvarez, 25 Dimitris Kurbelis,30 Xegon,31 Mixail Fraqulakis.

Hücumçular: 9 Emanuel Perone,14 Anastasios Bakasetas.