18:05
Bu yaxınlarda ölkə mətbuatına müsahibə verən AFFA-nın sabiq prezidenti Fuad Musayev hazırda milli komandanın şərəfini qoruyan futbolçulara məğlub olmaları müqabilində pul verilməsi məsələsinə toxunarkən bunun düzgün olmadığını demişdi. Musayev ümumiyyətlə, futbolçuların milli komandada pula görə deyil, ölkənin adına, bayrağına görə oynamalı olduğunu bildirmişdi. O, hətta, bu məsələ üstündə Vəli Qasımovun ondan incidiyini də dilə gətirmişdi. Qol.Az-a açıqlamasında isə Qasımov Musayevin onun haqqında dediklərini təkzib edərək əsl həqiqətin başqa cür olduğunu dedi: “Bilirsiniz, o məsələ tamam başqa cür olub. Söhbət heç də puldan getmirdi. Nə pul, hansı puldan söhbət gedə bilərdi? Məgər o vaxtkı AFFA-nın pulu var idi ki, biz də nəsə istəyək? İndi maşallah uduzanda da pul alırlar. Biz o vaxtı millidə havayı oynayırdıq. Yalnız hər toplanışa görə, futbolçuların hərəsinə 100 dollar verirdilər. Oyunlara mükafat qoyurdular. Amma oyun da uda bilmirdik axı həmin mükafatı alaq. Problem sadəcə onda idi ki, klub məni yoldaşlıq görüşlərinə buraxmırdı. Həmin vaxt “Betis”in şərəfini qoruyurdum. Bu klub da o zaman İspaniya Primerosunun ən güclü və iddialı klublarından idi. Odur ki, futbolçularını yoxlama görüşlərinə getməyə qoymurdular. Portuqaliyada oynayanda da belə olmuşdu. Mən isə bunları Musayevə deyəndə o məni səhv başa düşmüşdü. Mən nə vaxt demişəm ki, pul verməsəniz milliyə gəlməyəcəm? Pulu yalnız biletin alınmasına görə istəyə bilərdim. Çünki biri var bileti İspaniyadan alasan, biri də var Azərbaycandan sifariş verəsən. İspaniya Avropa olduğundan qiymətlər baha idi. Buradan alanda isə nisbətən ucuz başa gəlirdi. Əsl həqiqət bu cür olub və heç kim də Musayevə deməyb ki, milliyə gəlməyimin qarşılığında mənə pul ver”.
DÇ-2026-nı buraxacaq
Tarixin 70-cisi
"Sabah" "Qəbələ"yə qarşı
“Latsio” sonda sevindi
"Bu uğurun sirri barədə danışmaq çətindir" - Kurban Berdiyev
“Turan Tovuz”dan qələbə, “Zirə” - “Kəpəz” matçında heç-heçə
Neymar DÇ-2026 üçün ilkin heyətə daxil edildi
"Zirə" - "Kəpəz" matçında vurulan 4 qol - Video
"Mançester Siti" ilə oyunu buraxacaq
Sadıqovdav şüarlara cavab
La Liqa prezidenti Xavinin Messi açıqlamasını təkzib etdi
"Atletiko" Qonsalesi transfer etməyə tələsmir
Hakimi tənqid etdiyinə görə cərimələndi
"Neftçi" - "Turan Tovuz": Heyətlər
“Şəmkir” - “Xankəndi” matçı niyə baş tutmadı? - PFL açıqladı
"Liverpul" "Qalatasaray"la matça ciddi itkilərlə çıxacaq
"Şirvan" evdə qələbə qazandı, Şəmkirdə matç baş tutmadı
