18:30
Almaniyanın Münhen şəhərində keçirilən dünya kubokunun III mərhələsində Azərbaycan akademik avarçəkəni Nataliya Mustafayeva finala yüksəlib.
Azərbacan Milli Avarçəkmə Federasiyasının mətbuat xidmətindən Qol.Az-a verilən məlumata görə, 27 yaşlı təmsilçimiz bu uğura qadınlar arasında 1 nəfərlik qayıqla (W1X) 2000 metr məsafəyə yürüşdə imza atıb.
Seçmə yürüşdə Mustafayeva finişə 7 dəqiqə 50,53 saniyəyə çataraq, bütün rəqiblərini – litvalı Donata Vistartayte (7:54.00), almaniyalı Mari-Luiz Dregeri (8:09.41), finlandiyalı Ulla Varvionu (8:09.76) və salvadorlu Kamila Varqas Palomonu (8:17.14) üstələyib. Bu nəticə ilə avarçəkənimiz birbaşa yarımfinala çıxıb.
Yarımfinal yürüşündə də Mustafayeva inamla çıxış edərək, finişə birinci çatıb. 2000 metr məsafəni 8 dəqiqə 8,36 saniyəyə qət edən avarçəkənimiz yeni zelandiyalı Emma Tviqq (8:12.60), irlandiyalı Sanita Puspure (8:15.32), norveçli Tale Qyörts (8:17.43), italiyalı Laura Skyavone (8:24.12) və hollandiyalı Nikol Bökersi (8:26.14) qabaqlayıb. Bu nəticə ilə Mustafayeva Tviqq və Puspure ilə birgə finala yüksəlib. Həlledici yürüş iyunun 17-də Bakı vaxtı ilə saat 16:06-da başlanacaq. Avarçəkənimizin daha 3 rəqibi litvalı Donata Vistartayte, belaruslu Yekaterina Karsten və danimarkalı Fie Udbi Eriksen olacaq.
Qeyd edək k, Nataliya Mustafayeva dünya kubokunun I mərhələsində bürünc medal qazanıb, II mərhələdə isə 4-cü yeri tutub.
"Barselona"nı tərk edir
"Barselona" onunla yeni müqavilə imzaladığını açıqladı
"Qarabağ"ın Avstriyadakı oyununda 9 qol - Video
“Qarabağ” Ukrayna komandasına uduzdu
"Şamaxı" növbəti transferini rəsmən açıqladı
“Qalatasaray” - “Napoli” danışıqlarında son durum
“Karvan”dan yayın ilk transferi
"Zirə"də yeni müqavilə - Rəsmi
"Araz-Naxçıvan" Superliqanın 2 təmsilçisi ilə qarşılaşacaq
Misli Premyer Liqasının püşkü bu tarixdə atılacaq
"Zirə"nin rəqibinin ulduz futbolçusu karyerasını başa vurdu
"Sabah" - "Çelye" oyununa nə qədər bilet satılıb?
“İmişli”də yeni qapıçı
Teo Ernandesin transferi tamamlanmaq üzrədir
"Real" oyunun təxirə salınmasını istəyir
Azərbaycan Premyer Liqasında 12 klubdan 5-nin baş məşqçisi əcnəbidir - Bəs, İliç kimdir?
"Sumqayıt" yeni baş məşqçisini açıqladı
"Şamaxı"dan ayrılan futbolçu bu kluba keçdi
"Əl-Əhli"nin hədəfi Messidir
"Bakı və "Qarabağ" həmişə qəlbimdə yer alacaq" - Jezniçak
