19:30
Aprelin 22-də Lənkəran şəhər stadionu üçün əlamətdar hadisə baş verəcək.
Qol.Az-ın klubunun rəsmi saytına istinadən verdiyi məlumata görə, bu, təkcə “Xəzər Lənkəran”ın evdə prinsipial rəqibi olan “Neftçi”ni qəbul etməsi ilə bağlı olmayacaq.
Həmin gün “Xəzər Lənkəran” bu arenada 100-cü rəsmi matçını keçirəcək. Tarixi ərzində ev oyunlarını digər 7 stadionda da keçirən komanda doğma arenada indiyədək 99 qarşılaşmaya çıxıb. “Neftçi” ilə görüş isə 100-cü – yubiley matçına təsadüf edir.
2004-cü ildə yaranan “Xəzər Lənkəran” doğma arenada debütünü 2005-ci ilin martında edib. Həmin vaxt martın 15-də baş hakim Məhəmməd Məmmədovun fiti ilə Lənkəran şəhər stadionunda “Xəzər Lənkəran”ın ilk oyunu start götürüb. Azərbaycan kubokunun 1/4 final mərhələsinin MOİK-lə cavab oyunu ilə "Xəzər Lənkəran"ın doğma arenadakı tarixi də başladı. Həmin oyun isə 87-ci dəqiqədə Martin Stankovun vurduğu qolla Lənkəran təmsilçisinin 1:0 hesablı qələbəsi ilə başa çatıb. Arenada ilk sarı vərəqənin müəllifi isə qapıçı Aleksandr Martyoşkin olub.
Həmin vaxtdan “Xəzər Lənkəran” Lənkəran şəhər stadionunda Avropa Liqasının 2, Azərbaycan çempionatının 83 və Azərbaycan kubokunun 16 matçına çıxıb. Bu 99 görüşdə 61 qələbəsi olan komanda 29 heç-heçə edib və yalnız 9 dəfə azarkeşlərini məğlubiyyətlə üzüb. Qonaqlar bu stadionda 172 dəfə topu qapısından çıxarmağa məcbur olubsa, "Xəzər Lənkəran"ı cəmi 53 dəfə məyus edib.
Şvaynştayqer boşandı
Ferqyuson "Roma"da
"Sumqayıt"da ayrılıq
"Neftçi" növbəti transferini reallaşdırdı - Rəsmi
"Barselona" Reşfordu nə vaxt təqdim edəcək?
Gyökereş "Arsenal"la anlaşdı
Messi diskvalifikasiya oluna bilər
"Kəpəz" yeni transferini rəsmən açıqladı
"Azərbaycanda keyfiyyətli futbolçuların çıxış etdiyini bilirik" - "Hayduk"un futbolçusu
Qismət Alıyev: "Oyuna tam hazırıq"
Suma "Zirə"dən ayrıldı - Sadıqov təsdiqlədi
“Kəpəz”in yeni sponsoru rəsmən açıqlandı
"Səbail"dən yeni transfer
"Liverpul" və "Çelsi"nin sabiq futbolçusu vəfat etdi
"Kəpəz"dən ayrılan futbolçu bu kluba keçdi
Navasın yeni klubu məlum oldu
“Neftçi”nin Polşa klubu ilə oyununda 4 qol
“Zirə”nin yeni formaları - Şəkillər
Arnautoviçin yeni klubu açıqlandı
