19:59
Bakının 2020-ci il Yay Olimpiya və Paralimpiya Oyunlarına namizədliyini dəstəkləmək üçün bir ay öncə başlamış imzatoplama kampaniyasına artıq 500 min nəfər qoşulub.
“Bakı-2020” Təşkilat Komitəsindən Lent.az-a verilən məlumata görə, Azərbaycan Tələbə Gənclər Təşkilatları İttifaqının keçirdiyi və yüzlərlə könüllünün cəlb olunduğu bu kampaniya uğurla davam edir.
Toplanılan imzaların sayının yarım milyona çatması isə “Bakı-2020” layihəsinin aprelin 14-də Moskvada keçirilən Milli Olimpiya Komitələri Assosiasiyasının (ACNO) Baş Assambleyasındakı təqdimatına təsadüf edib. “Bakı-2020” Təşkilat Komitəsinin icraçı direktoru Könül Nurullayeva cəmi 1 ay ərzində bu qədər imzanın toplanmasından çox sevindiklərini və ruhlandıqlarını bildirib: “Bu kampaniyanı uğurla təşkil edən hər kəsə, xüsusən də gənclərimizə çox minnətdaram. “Bakı-2020” layihəsi ilə bağlı bizə uğurlar arzu edən Bakı və Azərbaycanın bütün bölgələrinin əhalisi imzatoplama kampaniyasına qoşularaq real dəstəyini bildirib”.
K. Nurullayeva, həmçinin, Bakı 2020-nin rəsmi Facebook fan səhifəsinin də qısa müddətdə 50000-dən çox tərəfdar yığmasını böyük uğur adlandırıb: “Bütün bunlar xalqımızın necə böyük istəklə Bakının Yay Olimpiya Oyunlarına ev sahibliyini dəstəklədiyinin bariz nümunəsidir. Mən onu da qeyd etməliyəm ki, bu dəstək beynəlxalq medianın da diqqətindən kənarda qalmır. Bu yaxınlarda “insidethegames.biz” saytı namizəd şəhərlərin sosial mediadakı fəaliyyətinin monitorinqini aparıb və “Bakı-2020” fan səhifəsinin həm tərəfdarlarının sayı, həm də fəaliyyəti ilə digər şəhərləri qabaqladığını bildirib”.
Qeyd edək ki, imza kampaniyası, həmçinin, Bakı 2020-nin rəsmi veb-səhifəsi vasitəsilə elektron formada da aparılır.
Şvaynştayqer boşandı
Ferqyuson "Roma"da
"Sumqayıt"da ayrılıq
"Neftçi" növbəti transferini reallaşdırdı - Rəsmi
"Barselona" Reşfordu nə vaxt təqdim edəcək?
Gyökereş "Arsenal"la anlaşdı
Messi diskvalifikasiya oluna bilər
"Kəpəz" yeni transferini rəsmən açıqladı
"Azərbaycanda keyfiyyətli futbolçuların çıxış etdiyini bilirik" - "Hayduk"un futbolçusu
Qismət Alıyev: "Oyuna tam hazırıq"
Suma "Zirə"dən ayrıldı - Sadıqov təsdiqlədi
“Kəpəz”in yeni sponsoru rəsmən açıqlandı
"Səbail"dən yeni transfer
"Liverpul" və "Çelsi"nin sabiq futbolçusu vəfat etdi
"Kəpəz"dən ayrılan futbolçu bu kluba keçdi
Navasın yeni klubu məlum oldu
“Neftçi”nin Polşa klubu ilə oyununda 4 qol
“Zirə”nin yeni formaları - Şəkillər
Arnautoviçin yeni klubu açıqlandı
