Rusiyanın Anapa şəhərində Nikolay Pavlyukovun xatirəsinə gənc boksçular arasında keçirilən beynəlxalq turnirdə finalçılar məlum olub.
Azərbaycan Boks Federasiyasının mətbuat xidmətindən Lent.az-a verilən məlumata görə, ölkəmizin 2 təmsilçisi finala vəsiqə qazanıb. Bunlardan biri 81 kq çəki dərəcəsində mübarizə aparan gənclər arasında Avropa çempionu Rauf Rəhimovdur. Həmyerlimiz əvvəlcə Ukraynanı təmsil edən Dilmurad Satıbaldiyevi 13:5 hesabı ilə məğlub edib. Yarımfinalda isə İrlandiya təmsilçisi Jon Joy Makdonah Rəhimovun zərbələri qarşısında aciz qalıb – 12:4. Millimizin üzvü finalda qazaxıstanlı Denislam Abdeşevlə üz-üzə gələcək.
75 kq çəki dərəcəsində yarışan Orxan Mayıllı da finalda iştirak etmək hüququ qazanıb. 1/4 finalda moldovalı Yevgeni Şevçenkonu 17:2 hesabı ilə məğlub edən boksçumuz yarımfinalda Rusiya nümayəndəsi Məhəmməd Madiyev üzərində qələbə qazanıb – 9:7. Mayıllı həlledici görüşdə Qazaxıstan idmançısı Daulet Bayqabatovla qarşılaşacaq.
49 kq çəki dərəcəsində mübarizə aparan Ceyhin İbrahimli isə Anapada bürünc medalla kifayətlənib. Boksçumuz yarımfinalda yerli idmançı Yusup Qazzayevə uduzub. Yığmamızın heyətində Pərviz Bağırov da (64 kq) qələbəyə namizədlərdən hesab olunurdu. İlk görüşdə qalib gələn həmyerlimiz ikinci döyüşdə kubalı Kevin Brovna 7-8 hesabı ilə uduzaraq, mükafatsız qalıb.
Qeyd edək ki, Nikolay Pavlyukovun xatirəsinə həsr olunmuş yarışa aprelin 7-də yekun vurulacaq.
Avro-2024-ü buraxacaq
"Yuventus" futbolçusuna 7,5 milyonluq müqavilə təklif etdi
"Karvan" "İmişli"ni belə məğlub etdi - Video
"Milan"ın Menyan qərarı
Xviça yalnız bu şərtlə "Napoli"də qalacaq
"Difai Ağsu" - "Mingəçevir" oyununda 5 qol - Video
"Atletiko" Oblakı transferə çıxardı
"Difai Ağsu" və "Karvan"dan qələbə
Əvəzedicilər Liqasında 32-ci tur başa çatdı
ÇL-in oyunu bu kanallarda
Azərbaycanlı nümayəndə ilk dəfə Avropa çempionatında
"Qusar"ın səfər qələbəsi - Video
Tuhel: "Madriddə qələbə qazanmalıyıq"
Timo Verner üçün mövsüm başa çatdı
Del Boskeyə vəzifə verildi
Buffon 12 il əvvələ qayıtmaq istəyir
Qvardiola peşmandır