Elvin Məmmədov: "Foqtsun etimadını doğrultmağa çalışacam"

Elvin Məmmədov: "Foqtsun etimadını doğrultmağa çalışacam"
XƏBƏR 29 Mart 2012 / 17:28 1635
-  A +

"Yenidən milli komandaya çağırıldığım üçün çox şadam. Çalışacağam ki, baş məşqçinin etimadını doğruldum".

Bu sözləri Qol.Az-a açıqlamasında "Bakı" klubunun yarımmüdafiəçisi Elvin Məmmədov deyib.

E.Məmmədov yenidən milli komandaya çağırılmasının onun üçün gözlənilən olduğunu bildirib: "Milli komandada çıxış etmək mənim üçün xüsusi əhəmiyyət daşıyır. Berti Foqtsun mənə dəvət göndərəcəyini gözləyirdim. Foqts məni fevral ayında baş tutan Dubay təlim-məşq toplanışına da çağıracağını demişdi.

Ancaq Foqts həmin vaxt Unibank Premyer Liqası çərçivəsində "Qarabağ"la keçirilən görüşdə oyunumdan narazı qaldığı üçün məni milliyə çağırmadı. Pasport məsələsinə gəldikdə isə bu barədə heç nə deyə bilməyəcəm. Çünki bu problem hələ də həll olunmayıb".


Son xəbərlər