Cinsi azlıqlardan Mourinyoya cəza tələbi

Cinsi azlıqlardan Mourinyoya cəza tələbi
XƏBƏR 24 Fevral 2012 / 00:01 2243
-  A +

Avropa Gey və Lesbiyanlar Federasiyası (AGLF) İspaniyanın “Real” (Madrid) klubunun baş məşqçisi Joze Mourinyonu hemofobiyada ittiham edib.

Qol.Az-ın məlumatına görə, qurum UEFA-dan portuqaliyalı mütəxəssisi cəzalandırmağı tələb edib.

Mourinyo Çempionlar Liqasının 1/8 finalında Rusiyanın paytaxtı Moskvada MOİK-lə keçirdikləri oyun öncəsi ispan dilində seksual azlıqlara deyilən ifadəni işlədib. AGLF-in vitse-prezidenti Luiza Engelfild deyib: “Hemofobiya futbolda hamı üçün yolverilməzdir. Xüsusən, söhbət futbolun ən məşhur fiqurlarının birindən gedirsə.

Biz cənab Mourinyonun öz işində belə ifadələrə yol verməsindən dərin məyus olmuşuq. Xüsusən, bu hadisənin futbolda hemofobiya ilə mübarizə həftəsində baş verməsi təəssüf hissi doğurur. Biz UEFA-nın çoxdankı tərəfdaşı kimi Mourinyoya qarşı tədbirlər görməyi və müvafiq sanksiyalar tətbiqini tələb edirik”.

Qeyd edək ki, Joze Mourinyo “Lujniki” stadionundakı açıq məşq zamanı köməkçilərinə müraciət edərək “Nədir, deyəsən, bu ... hələ bilmirlər ki, hansı toplarla oynayacağıq” deyib.


Dünya Çempionatı 2026
Son xəbərlər
23.06.26  21:30

Ronaldodan yeni rekord

topaz banner