"Milan"ın prezidenti komandasını satır

"Milan"ın prezidenti komandasını satır
XƏBƏR 20 Yanvar 2012 / 01:07 1899
-  A +

İtaliyanın sabiq baş naziri Silvio Berluskoni “Milan” klubunu satmaq niyyətindədir.

Qol.Az-ın “İl Quotidiano”ya istinadən verdiyi məlumata görə, Berluskoni daha klubun inkişafına pul xərcləmək istəmir.

Onda belə fikrin yaranmasına “Milan”ın çətin maliyyə durumu səbəb olub. Bəzi qiymətləndirmələrə əsasən, klubun 75 – 110 milyon avro borcu var. Problemlərin bir hissəsi İtaliyada mövcud olan sərt vergi qanunvericiliyi ilə bağlıdır.

Potensial alıcılar qismində Berluskoninin rusiyalı dostları və ərəb şeyxlərinin adı çəkilir. O cümlədən, Rusiyanın “Qazprom” şirkətinin belə bir niyyətdə olduğu barədə xəbərlər yayılıb. Lakin şirkət bu məlumatı rəsmən təkzib edib.

Qeyd edək ki, hazırda “Milan” İtaliya A seriyasında 18 oyundan 37 xalla 2-ci pillədə qərarlaşıb. “Rossonyerlər” Çempionlar Liqasında da mübarizəni davam etdirirlər. 1/8 finalda baş məşqçi Massimiliano Alleqrinin komandasının rəqibi İngiltərə “Arsenal”ı olacaq.

 

Daha çox


Son xəbərlər
22.12.25  18:07

Qallaher, yoxsa Neves?