17:16
Kristof Daumun “Beşiktaş” və “Fənərbaxça”nın baş məşqçisi olduğu və çempionluq qazandığı illərdə köməkçisi olan Murat Kuş “Bakı” klubunun dəvətiylə hazırda paytaxtımızdadır. “Bakı”nın rəsmi saytının verdiyi məlumata görə, Murat Kuş Azərbaycan premyer-liqasının XX turu çərçivəsində keçirilən “Olimpik” - “Bakı” matçını tribunadan izləyənlər arasında idi. Mayda “Bakı” klubunun dəvəti ilə Bakıya səfər edəcək Kristof Daumun təmsilçisi kimi Azərbaycan futbolu və klubumuz haqqında məlumat toplamaq üçün vəzifələndirilən Murat Kuş fikirlərini bu cür ifadə edib: “Ölkə klublarının peşəkarlaşma istiqamətində atdığı addımlar, stadion və baza inşası istiqamətində aparılan fəaliyyət, UEFA kriteriyalarına uyğunlaşmaq sahəsində aparılan işlərlə tanış oldum. Gördüklərimi Kristof Dauma raport halında təqdim edəcəyəm, Dostum Tunç Afşarla bərabər izlədiyim “Olimpik” - “Bakı” qarşılaşmasında “Fair-play” adına son dərəcə üzüntülü bir olayla qarşılaşdım. Rəqib komanda üzvünün zədələnməsi səbəbi ilə topu meydandan çıxaran “Bakı” futbolçuları zədəli oyunçuya tibbi yardım göstərilməsinə şərait yaratdılar. Matçı mən də daxil olmaqla, stadionda izləyən minlərlə insan topun “Bakı”ya qaytarılacağını gözlədiyimiz bir anda “Olimpik”li futbolçunun onu irəlidə mövqe tutan komanda yoldaşına atdığının şahidi olduq. Sonuncu isə kimsənin gözləmədiyi bir halda topu qüvvətli zərbə ilə “Bakı”nın qapısından keçirdi. Bu hal stadiondakı insanları şoka saldı. “Olimpik”li futbolçular bu davranışları ilə Azərbaycan futboluna ağır zərbə vurdular. İllər boyu formalaşan “Fair-play” prinsiplərini bir anda qələbə qazanmaq naminə ayaqlar altına salınması acı təəssüf doğurdu. Müxtəlif yarışlarda iştirak edən Avropa klublari Azərbaycana gələcək zaman “bunların “Fair-play” anlayışı budur” - deyə adekvat addımlar atmayacaqlarmı? Qalib gəlmək üçün idman ruhu və prinsiplərinə hürmətsizlik etmək heç bir idmançıya və komandaya baş ucalığı gətirməz. İdman yarışlarının sonunda dostluq qalib gəlməlidir, illər boyu qazanılan hörmətin bir anda itirilməsi heç bir çərçivəyə sığmır. İnanıram ki, Bakıya gələcək səfərlərimizdə “Olimpik”li futbolçuların necə bir yanlışlıq etdiyi və bunun mahiyyətini anlayaraq düzgün nəticə çıxaracaqlarının şahidi olacağıq. Qarşıdan gələn həftələrdə “Bakı” futbol klubu ilə əməkdaşlığımızın əsası qoyulacaq. Bunun hər iki tərəf üçün uğurlu olacağına inanırıq”.
"O, böyük sərvət xərclənəcək oyunçu deyil"
Osimheni ağladan təsirli koreoqrafiya - Video
"Sabah"dan qol yağışı - Video
Güləşçimiz erməniyə qalib gələrək bürünc medal qazandı
"Hər iki klub üçün bu mövzu bağlanıb" - Valdas Dambrauskas
"Hələ belə məğlubiyyətlə üzləşməmişdim" - Kaxaber Sxadadze
Fransa klubu qapıçısı ilə müqaviləni yenilədi
"Komandanın öyrəşdiyi sistemi dəyişdirmək asan deyil"
“Sabah” böyükhesablı qələbə qazandı
"Qalatasaray" - "Liverpul" matçının heyətləri açıqlandı
"Göygöl" "Şəki Siti"ni darmadağın etdi - Video
İngiltərə millisinin üzvü karyerasını bitirdi
"Real"ın futbolçusu əməliyyat olundu
“Göygöl” və “Qaradağ Lökbatan”dan böyükhesablı qələbə
"Matçı buraxmaq bərpa olmağıma yaxşı təsir edəcək"
"Kamp Nou"da azarkeşləri sevindirəcək yenilik olacaq
