Türkiyə kuboku: "Beşiktaş" və "Trabzonspor" da növbəti mərhələdə

Türkiyə kubokunda III mərhələnin növbəti oyunları keçirilib. Qol.Az-ın məlumatına görə, ikinci oyun günündə daha 12 qarşılaşma baş tutub.

Bu mərhələdə əsasən 5 Superliqa təmsilçisinin kubokla vidalaşması diqqətləri çəkib. İlk öncə isə mübarizəni "Manisaspor" dayandırıb. Səfərdə "Buqsaspor"un qonağı olan Manisa təmsilçisi rəqibinə 1:2 hesabı ilə məğlub olmaqla kubokla vidalaşıb.

İstanbulun "Gənclərbirliyi" klubu da eyni aqibəti yaşayıb. Səfərdə "Boluspor"la qarşılaşan İstanbul təmsilçisi rəqibini 1:2 hesabı ilə uduzaraq kubokdan kənarlaşdırılıb. "Mersin İdmanyurdu" isə öz meydanında "Sivasspor"la bacarmayıb - 1:3.

"Ankaragücü"nün öz meydanında "Kasımpaşa"ya 2:6 hesabı ilə uduzması da sensasiyaya səbəb olub. Doğma azarkeşləri önündə "Güngören"lə qarşılaşan "Trabzonspor" inamlı qələbə qazanıb. Hər hissədə bir qol vuran Trabzon təmsilçisi adını növbəti mərhələyə yazdırıb. 

Digər Türkiyə nəhəngi "Beşiktaş" da növbəti mərhələyə adlayıb. Doğma azarkeşləri önündə "Qaziantep BB" klubunu qəbul edən "qara qartal" 2:1 hesabı ilə qələbə qazanaraq yoluna davam edir. Öz meydanında "Orduspor"la qarşılaşan "Samsunspor" rəqibini penaltilər seriyasında üstələyib - 4:2.

Qeyd edək ki, kubokda III mərhələnin oyunlarına bu axşam keçiriləcək 2 oyunla yekun vurulacaq.

10 yanvar

Türkiyə kubokunda III mərhələnin oyunları

"Bursaspor" - "Şanlıurfaspor" - 4:1
Qollar: Ərdoğan, 8 (1:0), Bahadır, 18 (2:0), 30 (4:1), Əziz, 27 (3:0), Depe, 28 (3:1)

"Qalatasaray" - "Adana Dəmirspor" - 4:1
Qollar: Akman, 17 (1:0), Baytar, 37 (2:0), Yıldırım, 41 (3:0), 67 (4:0), Evirgen, 74 (4:1)

11 yanvar

"Boluspor" - "Gənclərbirliyi" - 3:2
Qollar: Orxan AK, 49 (1:0), 117 (3:2), Öztəkin, 90 (1:1), Kiraz, 99 (2:1), Herve Tum, 113 (2:2)

"Eyubspor" - "Eskişehirspor" - 2:3
Qollar: Esen, 52-pen (1:0), 55 (2:0), Dieqo, 76 (2:1), Eser, 83 (2:2), Pele, 88 (2:3)

"Akhisar Bələdiyyə Gənclik və Spor" - "Kayserispor" - 0:1
Qol: Kuyoviç, 76 (0:1)

"Qaziosmanpaşa" - "Antalyaspor" - 1:3
Qollar: Özeren, 13 (1:0), Radelyiç, 24 (1:1), 52 (1:2), Özer, 72 (1:3)

"Buqsaspor" - "Manisaspor" - 2:1
Qollar: Makukula, 19 (0:1), Çətin, 43 (1:1), Cökmüş, 48-avtoqol (2:1)

"Karabükspor" - "Unyespor" - 2:0
Qollar: Taskıran, 7 (1:0), Kisa, 17 (2:0)

"Trabzonspor" - "Güngören" - 2:0
Qollar: Alanzinyo, 11 (1:0), Kaya, 61 (2:0)

"Mersin İdmanyurdu" - "Sivasspor" - 1:3
Qollar: Kaya, 15 (1:0), zkara, 33 (1:1), Kavuk, 96 (1:2), Eneramo, 105 (1:3)

"Adanaspor" - "İstanbul BB" - 1:2
Qollar: Salmaz, 58 (1:0), Akan, 66 (1:1), Velinqton, 108 (1:2)

"Ankaragücü" - "Kasımpaşa" - 2:6
Qollar: Evci, 4 (1:0), Taşçı, 8-avtoqol (1:1), Çolak, 29 (1:2), Kanak, 34 (2:2), Buyuk, 54 (2:3), 75 (2:4), 90 (2:6), Aygünəş, 78 (2:5)

"Beşiktaş" - "Qaziantep BB" - 2:0
Qollar: Kavlak, 2 (1:0), Fernandez, 73 (2:0), Aslanoğlu, 84 (2:1)

"Samsunspor" - "Orduspor" - 0:0 (penaltilər seriyası - 4:2)

 
12 yanvar

"Rizespor" - "Qaziantepspor"

"Fənərbaxça" - "Konya Torku Şəkərspor"