"Simurq" Türkiyədə 3 yoldaşlıq matçı keçirəcək

XƏBƏR 9 Yanvar 2012 / 17:05 1541
-  A +

Yanvarın 14-də “Simurq” klubu Premyer Liqanın növbəti oyunlarına hazırlaşmaq üçün Türkiyənin Antalya şəhərinə yollanacaq.

Qol.Az-ın klubun mətbuat xidmətinə istinadən verdiyi məlumata görə, təlim-məşq toplanışına yeni transfer olunmuş futbolçular Dmitri Kramarenko, Emin Cəfərquliyev və Nicat Qurbanov da qatılacaq. O cümlədən, təlim-məşqdə bir neçə futbolçu baxışdan keçiriləcək.  
 
Hazırlıq çərçivəsində komandanın Antalyada üç yoldaşlıq görüşü keçirməsi nəzərdə tutulub. “Simurq”un ilk rəqibi Qazaxıstan Premyer Liqasının iştirakçısı “Kaysar” futbol klubu olacaq. Qazaxlarla görüş yanvarın 21-də otelin stadionunda keçiriləcək.

Qalan yoldaşlıq oyunları isə yanvarın 27 və 31-də baş tutacaq. Ancaq hələ ki rəqiblər müəyyənləşməyib. “Simurq” yanvarın 31-də ölkəyə qayıdaraq hazırlıqları Zaqatala şəhərində davam etdirəcək. Fevralın 3-də isə “Rəvan”la yoldaşlıq görüşünün keçirəcək. 
 
Qeyd edək ki, “Simurq” klubu ilk rəqibi Qazaxıstan çempionatında 27 xalla 8-ci pillədə qərarlaşıb. “Kaysar” futbol klubuna hazırda litvalı mütəxəssis Alqimantas Lyubinskas rəhbərlik edir.


Son xəbərlər