İspaniya mətbuatı: "Ronaldo sevgi istəyir"

İspaniya mətbuatı: "Ronaldo sevgi istəyir"
XƏBƏR 9 Yanvar 2012 / 15:09 2211
-  A +

İspaniya mətbuatı "Real" (Madrid) klubunun hücumçusu Kriştiano Ronaldonun bədbin olduğunu və Madrid ararkeşlərində sevgi istədiyini yazır.

Qol.Az-ın məlumatına görə, son zamanlar "Real"ın azarkeşləri tərəfindən fitə basılan futbolçu da hazırki durumundan narazıdır.

"Marca" qəzetinin yazdığına görə, "Qranada" ilə oyunda (5:1) bir qrup azarkeş tərəfindən fitə basılması Ronaldoya çox pis təsir edib və bu səbəbdən də vurduğu qola sevinməyib.

Ronaldonun məhz "Barselona" ilə Madriddə keçirilən oyunda (1:3) iki qol imkanını boşa verməsindən sonra azarkeşlərin gözündən düşdüyü bildirilir.Üstəlik "Barselona"nın ulduzu Lionel Messinin də dünyanın ən yaxşısı kimi göstərilməsi portuqaliyalı futbollçuya pis təsir edir.

Ronaldonun "Santyaqo Bernabeyo" azarkeşindən daha çox sevgi istədiyi vurğulanır. "Real"ın baş məşqçisi Joze Mourinyonun da Ronaldo ilə görüşərək, onunla ciddi söhbət edəcəyi gözlənilir.  

Qeyd edək ki, bütün bunlara rəğmən Ronaldo hazırda 21 qolla La Liqanın ən məhsuldar futbolçusudur.


Son xəbərlər