İngiltərə Kuboku: Mançester derbisini "qırmızı şeytanlar" qazandı

İngiltərə Kuboku: Mançester derbisini "qırmızı şeytanlar" qazandı
XƏBƏR 9 Yanvar 2012 / 00:37 2036
-  A +

Ötən gün İngiltərə Federasiya kubokunda (FA) 3-cü mərhələnin ilk oyunları keçirilib. Qol.Az-ın məlumatına görə, üçüncü oyun günündə daha 4 qarşılaşma baş tutub.

Doğma azarkeşləri önündə "Vest Hem"i qəbul edən "Şeffild Venizdey" klubu rəqibini minimal hesabla keçib. Kris O'Qradinin matçın 88-ci dəqiqəsində vurduğu qol oyunda yeganə olub - 1:0.

Londonun "Çelsi" klubu da növbəti mərhələyə adlayıb. Öz meydanında "Portsmut"la qarşılaşan "zadəganlar" rəqibini heç bir şans verməyib. Fasilədən sonra 4 cavabsız qol vuran "Çelsi" adını növbəti mərhələyə yazdırıb - 4:0.

Bu mərhələnin mərkəzi qarşılaşması isə Mançesterdə baş tutub. Burada iki əzəli rəqib - "Mançester Siti" və "Mançester Yunayted" klubları üz-üzə gəlib. Qapılara 5 qolun vurulduğu oyun "qırmızı şeytanlar"ın qələbəsi ilə başa çatıb.

Matçın 12-ci dəqiqəsində "şəhərlilər"in kapitanı Vinsent Kompaninin meydandan qovulması qonaqların işinə yarayıb. İlk hissədə 3 qol vuran Fergüssonun komandası ikinci hissədə 2 top buraxsa da, qələbə hesabını sonadək qoruya bilib - 3:2. 

Qeyd edək ki, bu mərhələyə bu axşam keçiriləcək "Arsenal" - "Lids Yunayted" matçı ilə yekun vurulacaq.



8 yanvar

İngiltərə Federasiya kubokunda III mərhələnin ilk oyunları

"Mançester Siti" - "Mançester Yunayted" - 2:3
Qollar:
Runi, 10 (0:1), 39 (0:3), Uelbek, 30 (0:2), Kolarov, 48 (1:3), Aquero, 64 (2:3)

"Çelsi" - "Portsmut" - 4:0
Qollar:
Mata, 48 (1:0), Ramires, 85 (2:0), 87 (3:0), Ləmpard, 90+1 (4:0)

"Şeffild Venizdey" - "Vest Hem" - 1:0
Qol:
Kris O'Qradi, 88 (1:0)

"Peterborough" - "Sanderlend" - 0:2
Qollar:
Larson, 48 (0:1), Makklin, 58 (0:2)



9 yanvar

"Arsenal" - "Lids Yunayted"


Son xəbərlər