"İmkanım olsaydı, bütün oyunçuları dəyşdirərdim"

"İmkanım olsaydı, bütün oyunçuları dəyşdirərdim"
XƏBƏR 4 Yanvar 2012 / 12:30 2383
-  A +

"Real" (Madrid) klubunun baş məşqçisi Joze Mourinyo İspaniya kuboku çərçivəsində dünən keçirilən "Malaqa" oyunu haqda fikirlərini bölüşüb.

Qol.Az-ın məlumatına görə, rəqibini 3:2 hesabı ilə məğlub edən Mourinyo oyundan sonra keçirilən mətbuat konfransında maraqlı açıqlamaları ilə diqqət çəkib. 

"İlk hissədə komanda olaraq çox pis oynadıq. İmkanım olsaydı, ilk yarıda olan bütün futbolçuları dəyişdirərdim. Ancaq ikinci hissəyə cəmi 3 oyunçu dəyişikliyi il başladım. Həmin oyunçular da öz sözlərini dedilər. Əsas qələbə qazanmaq idi ki, bunu da bacardıq.

Bu oyuna hazırlaşmaq üçün kifayət qədər vaxtımız oldu. Lakin dünən istənilən səviyyədə oynamadıq. Çoxları bizim qısa müddətli istirahət zamanı yeyib-yatdığımızı düşünür. Ancaq bu belə olmayıb. "Malaqa" ilə oyunun hazırıqlarına daha erkən başlamışdıq". 

Qeyd edək ki, "Malaqa" ilə görüşdə fasiləyə 0:2 hesabı ilə məğlub yollanan "Real" ikinci hissədə 3 qol vurmaqla görüşdən qalib ayrılıb.


Son xəbərlər