Elşən Poladov: “Kəpəz”in dağılmasıyla bağlı heç bir söhbət olmamışdı”

XƏBƏR 28 Dekabr 2011 / 14:06 1958
-  A +

“Kəpəz” klubunun dağılmasının səbəbini mən də bilmirəm. İlk dəfə sizdən eşidirəm. Bu xəbərə çox üzüldüm. Yəqin ki, buna klub rəhbərliyi ətrafındakı söhbətlər səbəb olub”.

Bu sözləri Qol.Az-ın müxbiri ilə söhbətində “Kəpəz”in qapıçısı Elşən Poladov deyib. O qeyd edib ki, komandanın dağılmasıyla bağlı indiyədək heç bir söhbət olmamışdı: “Mən sadəcə olaraq, Mirbağır İsayevin qəfil istefa verməsini təəccüblə qarşıladım. Dağılmaq məsələsi isə heç ağlımıza da gəlmirdi”.

E.Poladov komandanın iclasının son dəfə “Neftçi”ylə oyundan sonra baş tutduğunu deyib: “Orada klub prezidenti bizə yalnız gələcək planlar haqda məlumat verdi. Komandadan kimin gedib, kimin qalcağı söhbətlər oldu. Onda da bildirdilər ki, bu haqda hər kəsə zəng vurularaq bildiriləcək. Klubun çıxışlarını dayandıracağıyla bağlı heç bir söz deyilmədi”.

Əli HƏYATİ

 


Son xəbərlər