"Rüşvət qalmaqalı səbəbindən Türkiyədə uğur qazana bilmədim"

"Rüşvət qalmaqalı səbəbindən Türkiyədə uğur qazana bilmədim"
XƏBƏR 25 Dekabr 2011 / 01:40 1870
-  A +

Türkiyə milli komandasının sabiq baş məşqçisi Quus Hiddink maraqlı açıqlamaları ilə diqqət çəkib.

Qol.Az-ın məlumatına görə, Hollandiya mətbuatına müsahibə verən Hiddink Türkiyədəki işinin yarımçıq qalmasının səbəblərini açıqlayıb:

"2011-ci il mənim üçün qarışıq duyğular ifadə edir. Türkiyədəki işimi sona çatdıra bilmədim. Bunun üçün də özümü yaxşı hiss etmirəm. Əslində Türkiyədə işlərim yaxşı gedirdi. Türkiyə Futbol Federasiyasının (TFF) sabiq prezidenti ilə hər şeyi götür-qoy etmişdik. Hədəfimiz təkcə AÇ-2012-nin final mərhələsi deyildi.

Əsas hədəfimiz milli komanda ilə yanaşı, klublarda da gəncləşdirmə siyasəti aparamaq idi. Lakin Türkiyədə danışılmış oyunlarla əlaqədar istintaqın başlanılması bütün planları pozdu. Rüşvət qalmaqalı hər şeyi alt-üst etdi. Məhz bu səbəbdən də Türkiyədə uğur qazana bilmədim. Çünki bu qalmaqal milli komandanın oyunçularına da çox pis təsir etmişdi".  

Qeyd edək ki, Hiddink Türkiyə millisini AÇ-2012-nin "play-off"una çıxarsa da, bu mərhələdə Xorvatiya yığmasına məğlub olaraq (0:3, 0:0) turnirdən kənarda qalmışdı.


Son xəbərlər