Rusiyalı milyarder Fransanın məşhur futbol klubunu aldı

Rusiyalı milyarder Fransanın məşhur futbol klubunu aldı
XƏBƏR 24 Dekabr 2011 / 11:33 2612
-  A +

Rusiyalı iş adamı Dmitri Rıbolovlevin nəzarət etdiyi “Monaco Sport Invest” şirkəti Fransanın məşhur “Monako” futbol klubunun səhmlərinin 66,67 faizini əldə edib.

Qol.Az-ın “France Presse” agentliyinə istinadən verdiyi məlumata görə, şirkət yaxın 4 ildə kluba ən azı 100 milyon avro sərmayə yatırmaq öhdəliyi götürüb. Bu məbləğ sonradan artırıla da bilər.

Rıbolovlev klubun direktorlar şurasına başçılıq edəcək. Şuraya biznesmendən əlavə “Monaco Sport Invest”in 5 nümayəndəsi də daxil olacaq. Bundan əlavə, şurada Monako knyazlığının hökuməti ilə bağlı olan 3 nəfər də daxil ediləcək. Knyazlıq klubun səhmlərinin 33,3 faizinə nəzarət edir.

Ənənəvi olaraq Fransa futbol liqalarında çıxış edən və 7 dəfə Fransa çempionu, 5 dəfə ölkə kubokunun sahibi olan, eləcə də bütün dünyada Fransa klubu kimi tanınan “Monako” 2011-2012-ci illər mövsümündə Fransa çempionatının ikinci divizionunda çıxış edir və hazırda turnir cədvəlində sonuncu yerdədir.

Dmitri Rıbolovlev Rusiyanın ən varlı şəxslərindən biridir. O, 1996-cı ildən “Uralkaliy” şirkətinin səhmlərinin nəzarət paketinə sahib idi. Amma 2010-cu ildə səhmləri satıb. “Forbes” jurnalının dünyanın ən varlı şəxsləri siyahısında 96-cı yerdə gələn biznesmenin 9,5 milyard dollar pulu olduğu bildirilir.


Son xəbərlər