Azərbaycanda ilin 10 ən güclü idmançısı məlum oldu

Azərbaycanda ilin 10 ən güclü idmançısı məlum oldu
XƏBƏR 24 Dekabr 2011 / 01:09 5336
-  A +

Dekabrın 23-də “Buta” sarayında ilin idman yekunları ilə bağlı mərasim keçirilib. Qol.Az-ın məlumatına görə, tədbirdə müxtəlif nominasiyalar üzrə qaliblər mükafatlandırılıblar.

10 ən güclü idmançı siyahısına kanoe, boks, güləş, taekvondo, bədii gimnastika, cudo və ağırlıqqaldırma üzrə dünya çempionatlarının qalib və mükafatçıları daxil ediliblər. Onlardan 4-ü dünya çempionu, 1-i olimpiya lisenziyalı dünya təsnifat turnirinin qalibi, 2-si dünya çempionatının gümüş, 4-ü isə bürünc mükafatçıdır. Fərqləndirilənlərdən 3-ü güləşçi, 2-si boksçudur, digər idman növlərinin payına isə hərəyə 1 idmançı düşüb.

Beləliklə, 10 ən güclü idmançı bunlardır:

1. Valentin Demyanenko – kanoe üzrə Avropa çempionatının ikiqat qalibi və dünya çempionu
2. Məhəmmədrəsul Məcidov – boks üzrə dünya çempionu
3. Rövşən Bayramov – yunan-Roma güləşi üzrə dünya çempionu
4. Şərif Şərifov - sərbəst güləş üzrə dünya çempionu
5. Ramin Əzizov – taekvondo üzrə dünya olimpiya təsnifat turnirinin qalibi
6. Mariya Stadnik – qadın güləşi üzrə dünya çempionatının gümüş mükafatçısı
7. Teymur Məmmədov – boks üzrə Avropa çempionu və dünya çempionatının gümüş mükafatçısı
8. Aliyə Qarayeva – bədii gimnastika üzrə dünya çempionatının bürünc mükafatçısı
9. İlqar Müşkiyev – cüdo üzrə dünya çempionatının bürünc mükafatçısı
10. Valentin Xristov – ağırlıqqaldırma üzrə dünya çempionatının bürünc mükafatçısı

Digər nominasiyalara gəldikdə, Hicran Şərifov (güləş) ilin məşqçisi, şahmat üzrə kişilərdən ibarət Azərbaycan millisi ilin komandası, voleybolçu qadınlar arasında dünya çempionu “Rabitə” ilin klubu, Azərbaycan Boks Federasiyası ilin federasiyası, “Kür” Olimpiya Mərkəzi ilin idman qurğusu seçiliblər. Əjdər Cəfərov (güləş), Vahid Nəzərov (ağırlıqqaldırma) və Faiq Həsənov (şahmat) ilin hakimləri sayılıblar. Albert Cəfərov (futbol) isə ilin veteran idmançısı kimi mükafatlandırılıb.


Mənbə: Lent.az


Son xəbərlər