Fernando Torres "Çelsi"dən ayrılır

Fernando Torres "Çelsi"dən ayrılır
XƏBƏR 23 Dekabr 2011 / 16:49 2279
-  A +

"Çelsi" klubunun ispaniyalı futbolçusu Fernando Torresin yanvar ayında komandanı tərk edəcəyi iddia olunur.

Qol.Az-ın İspaniya mətbuatına istinadən verdiyi məlumata görə, "Milan" və "Malaqa" klubları Torreslə yaxından maraqlanır.

Hücum xəttini gücləndirməyə çalışan hər iki komanda ispaniyalı hücumçunu transfer etmək niyyətindədir.  İspaniya təmsilçisinin Torres üçün 20 milyon funt-sterlinq ödəməyə hazır olduğu bildirilir.

Lakin "Çelsi"nin baş məşqçisi Andre Villaş Boaş daha öncə verdiyi açıqlamasında Torresi satmaq niyyətində olmadıqlarını və onun hələ komandaya lazım olduğunu bildirmişdi.

Qeyd edək ki, Torres bu ilin yanvar ayında 50 milyon avro müqabilində "Liverpul"dan "Çelsi"yə transfer olunmuşdu.


Son xəbərlər