"Neftçi"nin futbolçusuna 4 oyunluq cəza

"Neftçi"nin futbolçusuna 4 oyunluq cəza
XƏBƏR 23 Dekabr 2011 / 14:52 2113
-  A +

AFFA İntizam Komitəsinin bu gün keçirilən iclasında Unibank Premyer Liqasında çıxış edən klubların əvəzedici heyətləri arasında təşkil olunan ölkə çempionatının son turunun oyunları da diqqətindən kənarda qalmayıb.

Qol.Az-ın məlumatına görə, Unibank Premyer Liqasında çıxış edən klubların əvəzedici heyətlərinin XVIII turunun “Xəzər Lənkəran” – “Bakı” matçında “Xəzər Lənkəran” klubunun 4 futbolçusu  sarı vərəqə ilə cəzalandığı üçün klub 500 manat cərimə olunub.
 
Unibank Premyer Liqasında çıxış edən klubların əvəzedici heyətlərinin XVIII turunun “Neftçi” – “Kəpəz” matçının 40-cı dəqiqəsində “Kəpəz” klubunun 17 nömrəli futbolçusu Qafar Qafarov idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 100 manat cərimələnib. Oyunun 65-ci dəqiqəsində “Neftçi” klubunun 21 nömrəli futbolçusu Emin Mehdiyev hakimi təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün futbolçu 4 oyunluq cəzalanır, kluba 2 min manat cərimə kəsilib. Matçın 70-ci dəqiqəsində “Kəpəz” klubunun 3 nömrəli futbolçusu Fuad Əliyev idmançıya yaraşmayan hərəkətə görə  ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 100 manat cərimə olunub.


Son xəbərlər