"Sevilya"nın prezidentinə 7,5 illik həbs

"Sevilya"nın prezidentinə 7,5 illik həbs
XƏBƏR 21 Dekabr 2011 / 01:26 1487
-  A +

İspaniyanın “Sevilya” futbol klubunun prezidenti Xose Mariya Del Nido maliyyə cinayəti ilə əlaqədar 7,5 illik həbs cəzasına məhkum edilib.

Qol.Az-ın “Marca”ya istinadən verdiyi məlumata görə, Malaqa şəhər məhkəməsi 54 yaşlı futbol məmurunun fırıldaq əməllərdə iştirak etdiyini və rüşvət almaqla məşğul olduğunu müəyyənləşdirib.

Bununla yanaşı, Del Nido Marbelya şəhər xəzinəsindən dövlət vəsaitlərini oğurlamaqda təqsirləndirilir. Marbelyanın sabiq meri Xulian Munyos da eyni müddətə həbs olunub. Səs-küylü işdə adı hallanan daha bir şəxs – şəhər icra başçısının keçmiş məsləhətçisi 4 il iş alıb. Məmurların məhkəmə hökmündən apellyasiya verib-verməyəcəkləri barədə hələlik məlumat yoxdur.

Qeyd edək ki, Xose Mariya Del Nido 2002-ci ilin mayından “Sevilya”nın prezidenti postunu tutur. Bu müddətdə əndəlüslər 2 dəfə UEFA Kuboku, eləcə də Avropa Superkuboku, İspaniya Kuboku və Superkuboku əldə ediblər.

 


Son xəbərlər