Dünya çempionu idmanı siyasətə dəyişir

Dünya çempionu idmanı siyasətə dəyişir
XƏBƏR 21 Dekabr 2011 / 00:09 1987
-  A +

WBC (Ümumdünya Boks Şurası) versiyası üzrə ukraynalı dünya çempionu, “UDAR” (İslahatlar Uğrunda Ukrayna Demokratik Alyansı) partiyasının lideri Vitali Kliçko özünü siyasətə tam həsrət etmək üçün idmançı karyerasını başa vurmağa hazırdır.

Qol.Az-ın məlumatına görə, bu barədə məşhur boksçunun özü açıqlama verib.

Kliçko deyib: “Ukraynada demokratik standartlara uyğun Avropa cəmiyyəti qurmaq böyük çağırışdır. Amma bilirəm ki, kim mübarizə aparmırsa, qalib gəlmir. Ukraynanın gələcəyi uğrunda döyüşdə qələbə naminə bu addıma hazıram.

İnsanlar hələlik məni daha çox boksçu kimi tanıyırlar. Amma deyin: hansı məktəbdə siyasətçilik öyrədirlər? Öz xalqına və doğma vətəninə səmimi qəlbdən xeyirxahlıq etmək arzusunda olan istənilən şəxs siyasətə gedə bilər və getməlidir”.

Qeyd edək ki, idmançı karyerasını bitirdikdən sonra siyasətə qoşulmaq postsovet məkanında çox dəbdə olan tendensiyaya çevrilib.


Son xəbərlər