Türkiyə AÇ-2012-də təmsil olunacaq

Türkiyə AÇ-2012-də təmsil olunacaq
XƏBƏR 20 Dekabr 2011 / 18:52 2033
-  A +

2012-ci ildə Ukrayna və Polşada keçiriləcək futbol üzrə Avropa çempionatında Türkiyə də təmsil olunacaq.

Qol.Az-ın məlumatına görə, UEFA “ay-ulduzlular”ın iştirak edə bilməyəcəyi çempionatda türkiyəli baş hakim Cüneyt Çakıra böyük etimad göstərib.

Çakır nüfuzlu yarışın oyunlarını idarə edəcək 12 referidən biri kimi təyinat alıb. O, 16 illik fasilədən sonra Avropa çempionatının oyunlarında söz sahibi olacaq ilk türkiyəli referidir. Sonuncu dəfə 1996-cı ildə İngiltərədə keçirilmiş çempionatda Ahmet Çakar Rumıniya – İspaniya qarşılaşmasını idarə edib. Həmin matç İspaniyanın qələbəsi ilə yekunlaşıb – 2:1.

Qeyd edək ki, Cüneyt Çakır 2011-ci ilin iyununda UEFA-nın ən yüksək səviyyəli 23 hakimi sırasına daxil edilib. O, hakimliyə 1994-cü ildə başlayıb, 2006-cı ildə FİFA referisi adını alıb.


Son xəbərlər