"David Vilya Avropa çempionatında iştirak edə biləcək"

"David Vilya Avropa çempionatında iştirak edə biləcək"
XƏBƏR 20 Dekabr 2011 / 02:18 1555
-  A +

Yaponiyada təşkil olunan klublararası dünya çempionatının yarımfinalında Qətərin "Əl Sədd" klubu ilə görüşdə ayağı qırılan "Barselona"nın hücumçusu David Vilya əməliyyat olunub.

Qol.Az-ın məlumatına görə, 30 yaşlı futbolçunu əməliyyat edən həkim Ramon Kuqat Vilyanın 2012-ci ildə Ukrayna və Polşada keçiriləcək Avropa çempionatında iştirak edəcəyinə ümid etdiyini bildirib.

"Vilyanın əməliyyatı uğurla keçdi. Ümid edirik ki, futbolçu Avropa çempionatında iştirak edə biləcək. Vilya təxminən 4-5 aydan sonra yaşıl meydanlara qayıdacaq. Lakin bu müddət ərzində futbolçunun müalicəsi çox önəmlidir. Hələlik dəqiq bir şey deyə bilmərik".

Qeyd edək ki, Vilyanın ayağının qırıldığı "Əl Sədd"lə yarımfinal oyunu 4:0 hesabı ilə "Barselona"nın xeyrinə başa çatmışdı.


Son xəbərlər