Aleksandr Starkov "Bakı"dan gedir?

Aleksandr Starkov "Bakı"dan gedir?
XƏBƏR 20 Dekabr 2011 / 01:34 2031
-  A +

Latviyalı baş məşqçi Aleksandr Starkov karyerasını öz ölkəsinin milli komandasında, yoxsa “Bakı”da davam etdirəcəyinə ilin sonunadək qərar verəcək. Bu haqda Lent.az-a Starkovun özü açıqlama verib.

56 yaşlı mütəxəssis yaxın günlərdə klub prezidenti Hafiz Məmmədovla görüşəcəyini bildirib: “Hələlik bu barədə bir söz deyə bilmərəm, hər şey olduğu kimi qalır. Klub prezidentinin mövqeyindən çox şey asılıdır. Məsələ də bundadır. Hesab edirəm ki, ilin sonunadək bu barədə qərar verəcəyəm”.

Latviya Futbol Federasiyası Starkovun eyni vaxtda iki vəzifədə çalışmasına qarşı çıxıb. Baxmayaraq ki, “Bakı” rəhbərliyi onun Latviya millisində də çalışmasına etiraz etmir. Lakin təcrübəli mütəxəssis məsələni mətbuat səhifələrində yazılanlar vasitəsilə yox, klub prezidenti Hafiz Məmmədovla görüşdə həll etmək niyyətindədir:
 
“Latviya yığmasında işləməyimə “Bakı”nın etiraz etmədiyi barədə xəbər mətbuatda yazılandır. Mən isə bu barədə “Bakı”nın prezidenti ilə danışmaq istəyirəm. O etiraz etsə, nə olacaq? Məsələni həll edəcəyik. Hələlik karyeramı harada davam etdirmək istəyimi qəzet səhifəsinə çıxarmaq istəməzdim”.

Qeyd edək ki, Aleksandr Starkov 2007-ci ildən Latviya yığmasının, 2011-ci ildən isə həm də “Bakı”nın baş məşqçisidir.

 


Son xəbərlər