Azarkeşsiz oyuna 2400 bilet satıldı

Azarkeşsiz oyuna 2400 bilet satıldı
XƏBƏR 16 Dekabr 2011 / 02:16 2452
-  A +

Almaniyanın II bundesliqasında çıxış edən “Hanza” futbol klubu Drezden “Dinamo”su ilə azarkeşsiz keçirməli olduğu görüşə 2400 bilet satıb. Qol.Az-ın məlumatına görə, Rostok şəhərini təmsil edən komandanın noyabrın 19-da “Sankt-Pauli” ilə görüşündən sonra azarkeşlər çaxnaşma törədiblər.

Bu səbəbdən, “Hanza” “Dinamo”ya qarşı bağlı qapılar arxasında oynamağa məhkum olunub. Lakin bilet satışına başlayan klub rəhbərliyi azarkeşlərdən komandanı dəstəkləmək üçün onları almağı xahiş edib. Eyni zamanda, fanatlara üzərində “Xəyali matç” yazılmış xüsusi futbolkalar almaları da təklif olunub.

Klub rəsmisi Ştefan Baynlix “11 Freunde” jurnalına bildirib ki, azarkeşsiz oyundan yaranan maliyyə itkisini bu yolla azaltmaq niyyətindədirlər. “Dinamo” ilə dekabrın 18-də keçiriləcək görüşə biletləri 5 – 19,65 avroya almaq olar.

Qeyd edək ki, “Sankt-Pauli” ilə matçda çaxnaşma “Hanza” azarkeşlərin qarşı tərəfə daş atmasından sonra başlayıb. Konfliktə polis qarışıb. Toqquşma nəticəsində 8 polis və 2 mülki şəxs xəsarət alıb.


Dünya Çempionatı 2026
Son xəbərlər
topaz banner