15:06
AFFA-nın 15 yaşadək futbolçular arasında təşkil etdiyi Azərbaycan çempionatında Mikayıl Müşfiq adlı futbolçunun çıxış etdiyi müəyyənləşib. Lent.az-ın məlumatına görə, məşhur şairin ad-soyadını daşıyan oyunçu “Neftçi”nin 15 yaşlılardan ibarət komandasının formasını geyir.
Məşqçi Arif Abbasovun rəhbərliyi altında oynayan Mikayıl Müşfiq çempionatın X turunda “Bakı 008”in qapısına qol vurub. Görüş isə “Neftçi”nin böyük hesablı qələbəsi ilə yekunlaşıb – 10:0.
Kiçik araşdırma nəticəsində futbolçunun əslində Mikayıl Müşfiq yox, Mikayıl Müşfiqoğlu ad-soyadına malik olduğu üzə çıxıb. Bu barədə Lent.az-a onun atası Müfiq məlumat verib. Cəbrayıl rayonundan məcburi köçkün olan 37 yaşlı Müşfiq II qrup Qarabağ əlilidir. 1990 – 1993-cü illərdə sıravi əsgər kimi hərbi xidmətdə olub. 1993-cü ildə Cəbrayılın Süleymanlı kəndi uğrunda döyüşlərdə qrad mərmisi onun ayağına ciddi xəsarət yetirib. Hazırda Müşfiqin bir ayağı protezdədir. Deyir ki, yaralanmasından 15 gün sonra – avqustun 23-də Cəbrayıl ermənilər tərəfindən işğal olunub.
“Mövzudan çox uzaqlaşdıq” söyləyən atasının sözlərinə görə, oğluna Mikayıl adını heç də dahi şairə görə verməyib. Sadəcə, Müşfiqin ata babasının adı Mikayıl olub. Doğum haqqında şəhadətnamə alarkən, Müşfiq oğlunun ad-soyadını Mikayıl Müşfiqoğlu kimi yazdırıb. Amma AFFA-da lisenziyadan keçirildiyi vaxt “oğlu” soyadlı digər futbolçularda olduğu kimi, Mikayıl Müşfiqoğlunun da soyad sonluğundan “oğlu” sözü götürülüb. Beləliklə, AFFA “Neftçi”yə Mikayıl Müşfiq bəxş edib.
Amma bu futbolçunun gələcəkdə öz oyunu ilə məşhurlaşmaq şansı da az deyil. Hücumçu mövqeyində çıxış edən Mikayıl indiyədək 15 yaşlılar arasındakı çempionatda 6 qol vurub. O, ən gözəl qoluna iki həftə öncə “Qəbələ” ilə görüşdə uzaq məsafədən dəqiq zərbə ilə imza atıb.
"Sumqayıt"da braziliyalı qapıçı - Rəsmi
Onana daha bir mövsüm "Trabzonspor"da
"Kəpəz" yeni baş məşqçi ilə müqavilə imzaladı
"Əl-Nəsr"in yeni baş məşqçisi açıqlandı
Tunis millisinin 8 futbolçusunun dopinq testi müsbət çıxdı
"Zirə"dən yeni transfer
Yamal: "Qardaşım mənim üçün oğlum kimidir"
Tanınmış futbolçu "Fənərbaxça"da - Rəsmi
“Qarabağ”ın oyununa bilet satışı müvəqqəti dayandırıldı
Ter Ştegenin yeni klubu bilindi
“Araz-Naxçıvan”da yeni məşqçi təyinatı
“Qarabağ”dan bu yayın 7-ci transferi - Rəsmi
Rafinya Norveçlə oyunu buraxacaq
"Bavariya"dan 55 milyon avroluq transfer
“Qarabağ” - “Vestri” oyununun biletləri satışda
Cavid Hüseynovun köməkçiləri müəyyənləşdi
“Top saçıma toxunduğu üçün ofsayd qərarı verildi”
Naqelsmanın istefasının səbəbi açıqlandı
Deşamdan Mbappeyə hədiyyə - Video
Kevin Medina yeni klubunda təqdim olundu - Şəkillər
“Kəpəz”ə yeni rəhbər seçilib
Misir millisinin baş məşqçisi ilə polis arasında insident
Komandası ilə vidalaşdı, “Qarabağ”a qoşuldu
Dünya Çempionatı 2026
Xəbərlər
Təqvim
Cədvəl