21:45
Dünən milli komandamızın meydana çıxmadığı Dünya çempionatının seçmə mərhələsi çərçivəsində IV qrupda iki oyun keçirilib. Qol.Az-ın məlumatına görə, qrupumuzun lideri Almaniya səfərdə Uelsin qonağı olub. Oyuna fəal başlayan “bundestim” tezliklə Ballakın möhtəşəm qolu sayəsində hesabda önə keçib. İkinci hissədə daha bir qol vuran almanlar 2:0 hesabıyla qalib gəliblər. Onu da qeyd edək ki, ikinci qolu Uelsin müdafiəçisi Uilyams öz qapısından keçirib.
Şənbə günü Moskvada millimizi məğlub edən Rusiya millisi səfərdə Lixtenşteyni 1:0 hesabıyla üstələyib. Bu matç sanki şənbə günü “Lujniki”da baş tutan Rusiya - Azərbaycan matçının təkrarı idi. Birinci hissədə Roman Pavlyuçenko fərqlənib. Lakin hakim qolu hesaba almayıb. Ardınca isə şənbə günü olduğu kimi, Zıryanov qol vurub.
Hazırda 6 oyundan sonra aktivində 16 xal olan Almaniya millisi qrupumuzun lideridir. 4 xal geri qalan Rusiya millisi ikincidir. Lakin Qus Hiddinkin komandası almanlarla müqayisədə bir oyun az keçirib. Millimiz 4 oyundan 1 xal toplayaraq, beşincidir.
Yamaldan növbəti rekord
"O, böyük sərvət xərclənəcək oyunçu deyil"
Osimheni ağladan təsirli koreoqrafiya - Video
"Sabah"dan qol yağışı - Video
Güləşçimiz erməniyə qalib gələrək bürünc medal qazandı
