21:45
Bir aydan çoxdur ki, zədəli olan və bu səbəbdən həm “Xəzər Lənkəran”ın, həm də milli komandamızın oyunlarını buraxan Kamran Ağayevin müalicəsi tamamlanmaq üzrədir. Qol.Az-ın klubun rəsmi internet saytına istinadən verdiyi məlumata görə, komandamızın həkimi Boris Xetaqurovun bildirib ki, qolkiper artıq aprelin 18-də ölkə çempionatında “Bakı”yla oyunda meydana çıxa bilər.
Hazırda Bakıda “Uzun ömür” klinikasında müalicə alan Ağayev üç gün sonra bərpa kursunu başa çatdıracaq. Daha sonra qapıçının bir neçə gün dincəlməyə ehtiyacı olacaq və bundan sonra onun komandanın hazırlığına qoşulması mümkün olacaq. Təxminən 7-10 gün sonra Kamran “Xəzər Lənkəran”ın heyətində məşqlərini bərpa edəcək.
Beləliklə, millimizin əsas qapıçısı “Standard” və “Neftçi”ylə oyunları buraxacaq. Xetaqurovun tibb personalı onu ölkə çempionatının XXII turunda Lənkəranda “Bakı”ya qarşı keçiriləcək oyuna qədər tam sağaltmağa çalışacaq.
Yamaldan növbəti rekord
"O, böyük sərvət xərclənəcək oyunçu deyil"
Osimheni ağladan təsirli koreoqrafiya - Video
"Sabah"dan qol yağışı - Video
Güləşçimiz erməniyə qalib gələrək bürünc medal qazandı
