Vaqif Cavadov 77 dəqiqə oynadı, komandası uduzdu

XƏBƏR 26 Noyabr 2011 / 18:52 1828
-  A +

Həmyerlimiz Vaqif Cavadovun şərəfini qoruduğu Rusiyanın "Volqa" klubu bu gün növbəti matçına çıxıb.

Qol.Az-ın məlumatına görə, ikinci “səkkizlik”də mübarizə aparan Nijni-Novqorod təmsilçisi səfərdə “Krılya Sovetov”la qarşılaşıb.

Cavadovun start heyətində meydana çıxdığı oyun "Volqa"nın məğlubiyyəti ilə başa çatıb. Matçın 11-ci dəqiqəsində Kornilenkonun vurduğu qol oyunda yeganə olub - 1:0. 

"Volqa" klubunun baş məşqçisi Dmitri Çerışev Vaqifə start heyətində şans versə də, oyunun 77-ci dəqiqəsində həmyerlimizi Mate Vatsadze ilə əvəzləyib.

Qeyd edək ki, bu məğlubiyyətdən sonra "Volqa" turnir cədvəlinin 14-cü pilləsinə enib.

Daha çox


Son xəbərlər