London olimpiadası şərəfinə 1 kiloqramlıq qızıl sikkə buraxıldı

London olimpiadası şərəfinə 1 kiloqramlıq qızıl sikkə buraxıldı
XƏBƏR 24 Noyabr 2011 / 02:11 1795
-  A +

Böyük Britaniyada 2012-ci il London Yay Olimpiya Oyunlarının şərəfinə 1 kiloqram çəkidə ilk qızıl sikkə buraxılıb.

Qol.Az-ın “BBC News”a istinadən verdiyi məlumata görə, yeni pulun dizaynını məşhur heykəltəraş Entoni Karo hazırlayıb.

Onun dəyəri 100 min funt sterlinqə bərabərdir. Olimpiada şərəfinə ümumilikdə 60 qızıl sikkə buraxılacaq. Krallıq sikkəxanası isə XXX Yay Olimpiya Oyunları üçün ictimaiyyətə gümüş sikkə təqdim edib. Onun da çəkisi 1 kq-dır, amma dəyəri 3 min funt, dizaynının müəllifi rəssam, bəstəkar və yazıçı Tom Fillipsdir. Hər iki sikkə Böyük Britaniya kraliçası tərəfindən dəstəklənib. Qızıl sikkəyə Karonun şəxsi imzası ilə xüsusi sertifikat əlavə olunacaq.

Qeyd edək ki, 204 ölkənin 10 mindən çox idmançısının qatılacağı London olimpiadası 2012-ci il iyulun 27-dən avqustun 12-dək davam edəcək.

Daha çox


Son xəbərlər