“Qəbələ” – “Neftçi” oyununda qalmaqal

XƏBƏR 20 Noyabr 2011 / 16:13 3049
-  A +

Unibank Premyer Liqasının bu gün keçirilən “Qəbələ” – “Neftçi” oyununun son saniyələrində qalmaqal yaşanıb.

Qol.Az-ın məlumatına görə, son vaxtlar uğursuzluq zolağına düşən “Qəbələ” “Neftçi”ylə oyunda 1:0 hesabı ilə irəlidə olan zaman hakim Ramil Diniyev oyunun 90+4-cü dəqiqəsində meydan sahiblərinin qapısına penalti təyin edib. Lakin hakimin bu qərarı yerli komandanın oyunçularının və azarkeşlərinin etirazına səbəb olub.

“Qəbələ”li futbolçular “Neftçi”nin oyunçusunun simulyasiyaya yol verdiyini bildiriblər. Buna baxmayaraq, hakimin qərarı dəyişməyib. Amma “Neftçi”dən Fərid Quliyevin vurduğu penaltini “Qəbələ”nin qapıçısı Pavel Doroşevs dəf edib.

Bundan sonra “Qəbələ”li futbolçular bir daha hakimə etiraz edərək onlara qarşı haqsızlıq edildiyini və bu ədalətsizliyi Allahın da qəbul etmədiyini bildiriblər.

Qeyd edək ki, penalti zərbəsindən sonra bir qrup azarkeş də meydançaya daxil olaraq görüşün baş hakimi Ramil Diniyevə zərbə endiriblər.


Son xəbərlər