Cüdoçumuz Avropa çempionatında medal qazandı

Cüdoçumuz Avropa çempionatında medal qazandı
XƏBƏR 19 Noyabr 2011 / 00:47 1425
-  A +

Rusiyanın Tümen şəhərində 23 yaşadək cüdoçular arasında Avropa çempionatı start götürüb.

Qol.Az-ın məlumatına görə, yarışın ilk günündə Azərbaycan yığması bir bürünc medal qazanıb.

60 kq çəki dərəcəsində yarışan Vüqar Şirinli Hollandiya və Türkiyədən olan rəqiblərini məğlub etdikdən sonra yarımfinala yüksəlib. Lakin yerli cüdoçu Şirinlinin finala gedən yolunu kəsib. Bununla belə, təmsilçimiz 3-cü yer uğrunda görüşdə rumıniyalı rəqibini yenərək, fəxri kürsüyə yüksəlib.

Bu çəkidə yarışan Orxan Səfərov ilk görüşündə ermənistanlı cüdoçunu ipponla yensə də, növbəti qarşılaşmasında bolqarıstanlı idmançıya uduzaraq, mübarizəni dayandırıb.

Sərxan Əhmədov və Dilqəm Əliyev (hər ikisi 66 kq) ilk görüşdəcə müvafiq olaraq, Ukrayna və Portuqaliya yığmalarının üzvlərinə yeniliblər. Yeganə qadın cüdoçumuz Turanə Seyidi (52 kq) ilk 2 qarşılaşmasında Türkiyə və Almaniya cüdoçularını məğlub edib. Lakin növbəti görüşündə o, belaruslu rəqibinə uduzaraq, 7-ci yerlə kifayətlənib.

Qeyd edək ki, Avropa çempionatının növbəti iki günü ərzində Rüstəm Orucov (73 kq), Rüstəm Alimli, Tural Safquliyev (hər ikisi 81 kq) və Şahin Qəhrəmanov (90 kq) tatami üzərinə çıxacaq.


Son xəbərlər