"Türkiyəyə sevə-sevə deyil, qaça-qaça gedərəm"

"Türkiyəyə sevə-sevə deyil, qaça-qaça gedərəm"
XƏBƏR 14 Noyabr 2011 / 13:40 2232
-  A +

Xorvatiya milli komandasının baş məşqçisi Slaven Biliç sabah Türkiyə ilə keçirəcəkləri "play-off" matçı öncəsi jurnalistlərin suallarını cavablandırıb.

Qol.Az-ın məlumatına görə, Biliç İstanbulda belə asan qələbə qazanacaqlarını gözləmədiklərini bildirib:

"İlk oyundan öncə futbolçularıma Türkiyə millisinin heyətindəki təhlükəli oyunçulara qarşı diqqətli oynamalarını tapşırmışdım. Futbolçularım da bu işin öhdəsindən gəlincə, inamlı qələbə qazandıq.

Ancaq belə asan qələbə qazancağımızı gözləmirdik. Bununla belə, arxayınlaşmaq olmaz. Zaqrebdə də qalib gəlmək istəyirik. Biz də hazırda hesabda öndəyik, ancaq yarlı Türkiyə də bizim üzərimizə gələcək".

Xorvatiyalı mütəxəssis Türkiyədə çalışa biləcəyi haqda verilən sualı isə belə cavablandırıb: "Hazırda Xorvatiya milli komandasında işləyirəm. Buradakı işimi tamamladıqdan sonra Türkiyəyə sevə-sevə deyil, qaça-qaça gedərəm. İstanbul dünyanın ən gözəl şəhərlərindən biridir. Oranın stadionlarında atmosfer möhtəşəmdir. Üstəlik klublar da varlıdır. Bir futbol adamı üçün hər şey orada mövcuddur".


Son xəbərlər
28.12.25  13:50

İsko 1 ay oynamayacaq